2 Kɔl 4:8 - BAEBOLO ANZƐƐ BULUKU NWUANZANWUANZA

⁸ Ndenle dɔɔnwo anu bɛgyegye yɛ, na bɛngola bɛnzɛkye yɛ; bɛmaa yɛ adwenle nu yɛ kpomgbondee, noko yɛ agbɔkɛ nu ɛntuto;

2 Kɔl 4:8 ပူးပေါင်းရင်းမြစ်များ

Edwɛndolɛ Buluku ne 129:2

“Ɔvi me ngakula nu, bɛhile me nyane kpalɛ, noko bɛtɛkolale me nwo zo konim di.

Edwɛndolɛ Buluku ne 37:33

Ɛdɛnkɛma ɛnrɛye ye ɛnrɛmaa ɔ sa ɛnrɛha ye, bɛdi ye edwɛkɛ a, ɔnrɛmaa bɛnrɛbua ye ewule fɔlɛ.

Mrɛlɛbulɛ Buluku ne 14:26

Sonla mɔɔ sulo Ɛdɛnkɛma la arɛle gyi pi wɔ ye nu, yɛɛ ɔ mra nyia ɛvealeka wɔ Nyamenle anu.

Mrɛlɛbulɛ Buluku ne 18:10

Ɛdɛnkɛma duma ne le aranemgbole; sonla mɔɔ le tenlene la nriandi kɔfea nu a, ɔ nwo kɔlɔnwo.

Ayezaya Buluku ne 40:31

na bɛdabɛ mɔɔ bɛ rɛle wɔ Ɛdɛnkɛma anu la, bɛbanyia anwosesebɛ fofolɛ; bɛbanyia ndɛbalɛ mɔɔ le kɛ kɔleɛ ɛdeɛ ne. Bɛbanriandi na bɛnrɛvɛ, bɛbadia na bɛ nye zo ɛnrɛbulu.

Habakɛke Buluku ne 3:17

Feege mbaka ɛnrɛzo bɔbɔ ɛdeɛ, yɛɛ ma ɛnrɛra vanye mbaka zo, ɔlivi mbaka ɛnrɛzo bɔbɔ ɛdeɛ, yɛɛ aleɛ ɛnrɛvinde kpɔkɛ nu, mboane ne mɔ amuala bawu bɔbɔ ɛdeɛ, yɛɛ nlankɛ adunli ne mɔ badɔ mgbane,

Dw 14:18

“Saa mekɔ a, menrɛgyakyi bɛ nrisa; mebara bɛ nwo bieko.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

2 Kɔl 6:12

Yɛnzi bɛ aze; saa azezilɛ bie wɔ ɛkɛ a ɛnee ɔvi bɛdabɛ bɛ atiakunluwɔzo.

2 Kɔl 6:4

Wɔ yɛ nyɛleɛ biala anu yɛfa abotane yɛgyinla ngyegyelɛ, anwongyelelɛ nee abodelɛ biala anloa, yɛkile kɛ yɛle Nyamenle sonvolɛma.

2 Kɔl 7:5

Mɔɔ yɛrale Masidonea la, yɛ nwo andɔ yɛ kpalɛ biala, ɔluakɛ ɛnee ɛleka biala mɔɔ yɛkɛhɔ la yɛyia ngyegyelɛ; gua zo a, konle; sua nu a, ɛzulolɛ ngome.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:20

Me kunlu a anrɛɛ me nee bɛ a wɔ lɔ a, na meanwu mɔɔ ɔwɔ kɛ meka la. Medwenle bɛ nwo somaa!

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”

1 Sam 30:6

Edwɛkɛ dole Devidi, ɔluakɛ ye menli ne yɛle kɛ bɛsi ye awolɛ, ɔboalekɛ awie biala ɛlɛdi nyane kpole kɛ bɛhye ɔ ye nee ɔ mra bɛhɔ a. Na Devidi Ɛdɛnkɛma ye Nyamenle ne manle ye akɛnrazilɛ.

1 Sam 31:4

Yemɔti ɔzele kpavolɛ ne mɔɔ soa ye konle ninyɛne ne la kɛ, “Twe wɔ dadeɛ ne ku me, amaa Filisitiama mɔɔ ɛnze Nyamenle la ambangolo me nwo, angu me.” Ɛzulolɛ hanle kpavolɛ ne, yemɔti yeangola ye ku. Sɔɔlo yele ye dadeɛ ne na ɔdaye ɔ ngome ɔdɔle zolɛ ɔhunle ɔ nwo.