2 Kɔl 4:4 - BAEBOLO ANZƐƐ BULUKU NWUANZANWUANZA

⁴ Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 4:4 ပူးပေါင်းရင်းမြစ်များ

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

Edwɛndolɛ Buluku ne 50:2

Nyamenle ta fi Zayɔn, suakpole mɔɔ ye kɛnlɛma di munli.

Ayezaya Buluku ne 6:10

Maa menli ɛhye mɔ ɛsolo, bɛ nzo ɛdi, na bɛ nye ɛzi, anrɛɛ bɛkɛva bɛ nye bɛkɛnwu debie, bɛkɛva bɛ nzo bɛkɛde edwɛkɛ na bɛkɛde edwɛkɛ bo, na bɛahakyi bɛ nyɛleɛ na bɛayɛ bɛ ayile.’ ”

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Dw 12:35

Gyisɛse buale kɛ, “Wienyi ne nee bɛ badɛnla mekɛ ekyi. Yemɔti bɛva wienyi ne bɛhɔdwu, amaa awozinli anva bɛ, ɔluakɛ mɔɔ dua awozinli nu la ɛnnwu ɛleka mɔɔ ɔlɛkɔ la.

Dw 12:40

“Nyamenle ɛzi bɛ nye na yemaa bɛsolo, amaa bɛ nye annwu debie na bɛ nzo ade edwɛkɛ, na bɛahakyi bɛara me nwo kɛ menyɛ bɛ ayile.”

Dw 12:45

Mɔɔ ɛnwu me la ɛnwu mɔɔ zoanle me la.

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

Dw 15:24

Saa meambanyɛ nwanwane gyima ɛhye mɔ mɔɔ awie ɛtɛyɛle bie ɛlɛ la wɔ bɛ avinli a, anrɛɛ bɛnli ɛtane nwo fɔlɛ; na kɛkala, bɛnwu mɔɔ menyɛle la yɛɛ bɛkpɔ me nee Egya a.

Dw 16:11

yɛɛ bɛvo wɔ Nyamenle ndɛnebualɛ ne anwo, ɔboalekɛ mɔɔ sie ɛtane ewiade ɛhye la bɛbua ye ndɛne dɛbadɛba.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 26:23

Ɔwɔ kɛ Mɛzaya ne nwu amaneɛ na ɔyɛ sonla mɔɔ lumua mɔɔ badwazo avi mɔwuamra anu, na yeabɔ wienyi nwo nolo yeahile Dwuuma nee bɛdabɛ mɔɔ bɛnle Dwuuma la amuala.”

1 Kɔl 10:20

Menga ye zɔhane. Mɔɔ melɛka la a le kɛ ewiade amra fa ninyɛne bɔ azu maa mbɔnsam, bɛmbɔ bɛmmaa Nyamenle. Memkpondɛ kɛ bɛ nee mbɔnsam nyia debie yɛ.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

2 Kɔl 2:12

Mɔɔ mendwule Tulowase kɛ mekabɔ Kelaese anwo Edwɛkpa ne nolo la, menwunle kɛ Awulae ɛbuke adenle ɛmaa me kɛ menli gyima wɔ ɛkɛ.

2 Kɔl 3:11

Ɔluakɛ saa mɔɔ ɛngyɛ na yeanlu la lɛ anyunlunyia a, ɛnee mɔɔ wɔ ɛkɛ ne dahuu na ɔnnu ɛlɛ la anyunlunyia ɛdeɛ ne bo zolɛ.

2 Kɔl 3:14

Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:6

Yemɔ bɔbɔ mɔɔ ɔ nee Nyamenle bɛ su le ko la, yeandwenle nwo yeampele kɛ ɔ nee Nyamenle kɛzɛ.

Kɔlɔ 1:15

Kelaese le Nyamenle ne mɔɔ ɛnyelɛ ɛnnwu ye la sɔhovolɛ. Yemɔ a ɔle abɔdeɛ muala anu belamunli Ralɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 6:4

Ɔluakɛ ɔyɛ se ɔmaa bɛdabɛ mɔɔ anrɛɛ bɛlɛ diedi na bɛgyakyi nu la kɛ bɛkɛzia bɛkɛnlu bɛ nwo bieko. Ɛnee anrɛɛ bɛwɔ Nyamenle wienyi ne anu, bɛnyia Nyamenle nu ahyɛlɛdeɛ, na bɛnyia Sunsum Nwuanzanwuanza ne bie;

2 Pit 1:19

Ɛhye maa yɛ adwenle si pi kpalɛ wɔ edwɛkɛ mɔɔ Nyamenle Kpɔmanvolɛma hanle la anwo. Ɔhyia kɛ bɛkɛdie ye boɛ, ɔluakɛ ɔle kɛ kɛnlaneɛ mɔɔ ɛlɛta ɛleka mɔɔ le awozinli la, kɔkpula kɛ Alehyenlɛ ne kɛra na aleɛbahye edole ne kɛdu bɛ ahonle ne mɔ anu.

1 Dw 2:11

Awie biala mɔɔ kpɔ ɔ diema la de awozinli ne anu, na kɛmɔ ɔlua awozinli ne anu la ati, ɔnnwu ɛleka holɛ ko mɔɔ ɔlɛkɔ la, ɔluakɛ awozinli ne ɛzi ɔ nye.

1 Dw 2:8

Noko akee melɛkɛlɛ mɛla fofolɛ mearɛlɛ bɛ mɔɔ le nɔhalɛ wɔ Kelaese nee bɛdabɛ noko bɛ nu a, ɔboalekɛ awozinli ne ɛlɛse, na nɔhalɛ wienyi ne ɛbɔ ɔ bo ɛlɛta.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.