2 Kɔl 4:15 - BAEBOLO ANZƐƐ BULUKU NWUANZANWUANZA

¹⁵ Ɛhye mɔ amuala lua bɛmɛ bɛ ti, amaa mɔɔ Nyamenle ɛlolɛ ne ɛlɛtɛlɛ ahɔ menli dɔɔnwo anwo zo la, bɛava moyɛlɛ bɛawula Nyamenle anyunlunyia.

2 Kɔl 4:15 ပူးပေါင်းရင်းမြစ်များ

Edwɛndolɛ Buluku ne 50:14

Bɛbɔ moyɛlɛ azu bɛmaa Nyamenle; bɛye bɛ ɛwɔkɛ mɔɔ bɛbɔle Anwuma Anwumanli ne la.

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 9:19

Mele dehelɛ, menle awie biala akɛlɛ; noko meyɛ me nwo akɛlɛ memaa awie biala, amaa me sa aha bɛ nuhua dɔɔnwo ne ala.

2 Kɔl 1:11

ɔlua bɛ nzɛlɛlɛ ti. Zɔhane ala yɛɛ menli dɔɔnwo bayɛ Nyamenle mo wɔ yɛ ti, kɛ ɔlua menli somaa nzɛlɛlɛ zo yelo yɛ ɛlolɛ kpole zɛhae a.

2 Kɔl 8:19

Yeanga ye zɔhane, asɔnema ne ɛnlea nu ɛye ye na bɛyɛ ye kɛ ɔ nee yɛ ɛkpɔsa ɛyɛ ɛhulolɛ ɛzonlenlɛ gyima ɛhye, yɛva yɛde Awulae anyunlu, na yɛhile kɛ yɛkulo kɛ yɛboa.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:24

Na ɔlua me ti bɛyele Nyamenle ayɛlɛ.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.