2 Kɔl 4:10 - BAEBOLO ANZƐƐ BULUKU NWUANZANWUANZA

¹⁰ Dahuu yɛte Gyisɛse ewule ne nyane wɔ yɛ sonlabaka ye anu, amaa menli anwu ye ngoane ne noko wɔ yɛ sonlabaka ye anu.

2 Kɔl 4:10 ပူးပေါင်းရင်းမြစ်များ

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Wulo 6:5

Ɔluakɛ saa yɛ nee Kelaese a hɔle ewule nu a, ɛnee bɛbadwazo yɛdayɛ noko bɛavi ewule nu bɛara ngoane nu, kɛmɔ bɛdwazole ye la.

Wulo 6:8

Saa yɛ nee Kelaese ɛwu a, ɛnee yɛdie yɛdi kɛ yɛ nee ye badɛnla ngoane nu.

Wulo 8:36

Nyamenle Edwɛkɛ ne se, “Bɛdabɛ bɛ ti yɛgyi ewule avinli alehyenlɛ muala; na bɛyɛ yɛ kɛ mboane mɔɔ bɛ nee bɛ ɛlɛkɔ ahunleɛ.”

2 Kɔl 1:5

Kɛmɔ yɛ nee Kelaese nwu ye amaneɛ ne mɔ la, zɔhane ala yɛɛ ɔlua ɔ nwo zo yɛ nee ye nyia ye arɛlekyekyelɛ ne mɔ a.

2 Kɔl 1:9

Yɛvale ye kɛ bɛbua yɛ ewule fɔlɛ bɛwie ala ɛne. Ɛhye zile amaa yɛdayɛ yɛanzi yɛ kɛnra, na yɛava yɛ nwo amuala yɛado Nyamenle ne mɔɔ dwazo mɔwuamra la anwo zo.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

2 Kɔl 4:11

Yɛ ngoane mekɛ nu amuala ewule sianle yɛ wɔ Kelaese ati, amaa menli anwu ye ngoane ne wɔ yɛ sonlabaka ɛhye ala anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:17

Ɔvi ɛnɛ mɔɔ kɔ la awie biala mmagyegye me bieko, ɔboalekɛ ahapenle mɔɔ wɔ me nwo la kile kɛ mele Kelaese Gyisɛse akɛlɛ.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

2 Tem 2:11

Edwɛkɛ ne le nɔhalɛ, ɔse: “Saa yɛ nee ye ɛwu a, ɛnee yɛ nee ye badɛnla ngoane nu.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.