2 Kɔl 3:9 - BAEBOLO ANZƐƐ BULUKU NWUANZANWUANZA

⁹ Saa ɛzonlenlɛ mɔɔ maa bɛbu menli ewule fɔlɛ la yɛle anyunlunyia a, ɛnee Nyamenle Sunsum ne ɛzonlenlɛ mɔɔ maa bɛbu menli benle la le anyunlunyia kpole kpalɛ mɔɔ bo zolɛ a!

2 Kɔl 3:9 ပူးပေါင်းရင်းမြစ်များ

Ayezaya Buluku ne 46:13

Memaa bɛ ngoanelielɛ kenle ne ɛbikye, ɔnle moa fee, yɛɛ ɔnrɛhyɛ na me ngoanelielɛ ne ara. Mebalie Gyɛlusalɛm na meava anyunlunyia meamaa Yizilayɛ.”

Gyɛlɛmaya Buluku ne 23:6

Wɔ ye mekɛ zo, Dwudama banyia bɛ ti na Yizilayɛma anwo adɔ bɛ. Duma mɔɔ bɛbava bɛavɛlɛ ye la a le, ‘Ɛdɛnkɛma le tenlenenli.’

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 15:41

Asolo sɛnzɛne ne kɛnlɛma, asolo siane ne kɛnlɛma, yɛɛ asolo nwɔlɔra noko ngɛnlɛma; eza asolo ɛwɔlɔra ko biala bɔbɔ nee ye kɛnlɛma.

2 Kɔl 3:8

ɛnee kɛ ɔkɛyɛ mɔɔ Nyamenle Sunsum ne ɛzonlenlɛ ɛnrɛnyia anyunlunyia kpole kpalɛ ɛnrɛdɛla ɛhye ɛ?

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:10

Bɛdabɛ mɔɔ bɛdwenle kɛ bɛdi mɛla ne azo na bɛazɔ Nyamenle anye la ɛnwu amaneɛ. Ɔluakɛ Nyamenle Edwɛkɛ ne se, “Awie biala mɔɔ anli mɛla ne ngyehyɛlɛ ne amuala azo, kɛmɔ bɛhɛlɛ ye wɔ Nyamenle Mɛla buluku ne anu la, munzule ɛha ye.”

Mɛla 27:26

“ ‘Munzule ɛha sonla mɔɔ yeanli mɛla ɛhye mɔ azo la.’ “Menli ne amuala baha kɛ, ‘Amen!’

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.