2 Kɔl 3:6 - BAEBOLO ANZƐƐ BULUKU NWUANZANWUANZA

⁶ yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 3:6 ပူးပေါင်းရင်းမြစ်များ

Gyɛlɛmaya Buluku ne 31:31

Ɛdɛnkɛma se, “Mekɛ bie bara mɔɔ me nee Yizilayɛma nee Dwudama bayɛ ngyekyeleɛ fofolɛ a.

Edwɛkpa ne kɛmɔ Mateyu hɛlɛle la 13:52

Na ɔzele bɛ kɛ, “Zɔhane ati mɛla kilehilevolɛ biala mɔɔ bɛtete ye wɔ Anwuma Belemgbunlililɛ ne anwo la le kɛ awuke zo neavolɛ mɔɔ ye ninyɛne fofolɛ nee dɛba fi ye gya nu finde la.”

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Maake hɛlɛle la 14:24

na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Luku hɛlɛle la 22:20

Zɔhane ala noko yɛɛ mɔɔ bɛwiele debie di la, ɔvale dwora ne ɔmanle bɛ na ɔhanle kɛ, “Dwora ɛhye mɔɔ bɛlɛno nu la a le Nyamenle ngyekyeleɛ fofolɛ ne mɔɔ bɛva me mogya ne bɛzɔ ɔ nloa la; bɛlie bɛnlo.]

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 4:15

Mɛla ne azo ɛlilɛ bɔbɔ, yɛka Nyamenle ɛya; na ɛleka noko mɔɔ mɛla ɛnle la, menli ɛndo mɛla.

Wulo 4:17

Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 11:25

Zɔhane ala yɛɛ mɔɔ bɛwiele aleɛ ne di la, ɔvale dwora ne, na ɔzele kɛ, “Dwora ɛhye a le Nyamenle Ngyekyeleɛ Fofolɛ ne mɔɔ bɛva me mogya ne bɛhye ɔ bo la. Kenle biala mɔɔ bɛlɛno nu la, bɛyɛ ye zɔhane bɛva bɛhakye me.”

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

1 Kɔl 3:10

Menvale ahyɛlɛdeɛ ne mɔɔ Nyamenle ɛva ɛlo me la mendole sua ne abo kɛ suasivolɛ kpalɛ, yɛɛ awie ɛlɛto zolɛ a. Na ɔwɔ kɛ awie biala nea kɛ ɔsi ɔto zolɛ la boɛ.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 3:14

Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

2 Kɔl 3:3

Ɔla ali wienyi kɛ Kelaese ɔdaye yɛɛ ɔhɛlɛle kɛlata ɛhye na ɔvale ɔzoanle yɛ a. Yeanva “ɛnke” a ɔhɛlɛle a, yɛɛ yeangɛlɛ ye wɔ bolɛ zo, ɔhɛlɛle ye wɔ menli ahonle zo.

2 Kɔl 3:7

Nyamenle anyunlunyia ne lale ali wɔ mekɛ mɔɔ ɔlɛ mɛla ne mɔɔ bɛhɛlɛle ye bolɛ zo la ɔlɛmaa Mosisi la. Na saa ɛnee Mosisi anyunlu ne mɔɔ dale la ɛlɛnu bɔbɔ a, mekɛ ne anu ɔdale kpole kpalɛ mɔɔ ɛnee Yizilayɛma ɛngola ɔ nyunlu nea a. Na saa mɛla ne mɔɔ zolɛ ɛlilɛ fa ewule ba la luale anyunlunyia zɛhae anu a rale a,

2 Kɔl 3:9

Saa ɛzonlenlɛ mɔɔ maa bɛbu menli ewule fɔlɛ la yɛle anyunlunyia a, ɛnee Nyamenle Sunsum ne ɛzonlenlɛ mɔɔ maa bɛbu menli benle la le anyunlunyia kpole kpalɛ mɔɔ bo zolɛ a!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:21

Ɛnee ɛhye kile kɛ mɛla ne tia Nyamenle ɛwɔkɛ ne mɔ ɔ? Kyɛkyɛ, ɔnle zɔhane fee. Saa mɛla bie wɔ ɛkɛ mɔɔ zolɛ ɛlilɛ maa menli ngoane a, anrɛɛ awie mɔɔ kɛli zolɛ la kɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:1

Dɛba ne, bɛ mɛladonlɛ nee bɛ ɛtane ne mɔ manle bɛwule sunsum nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5

yemɔti mekɛ mɔɔ ɛnee yɛwu sunsum nu wɔ yɛ mɛladonlɛ ti la, ɔvale yɛ nee Kelaese ɔrale ngoane nu. Ɔlua Nyamenle ɛlolɛ ti yɛɛ bɛlie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:7

Nyamenle ɛlua ye tumi ne gyimalilɛ zo ɛmaa me ahyɛlɛdeɛ mɔɔ sonle bolɛ, kɛ menyɛ Edwɛkpa ne anwo sonvolɛ.

Mɛla 27:26

“ ‘Munzule ɛha sonla mɔɔ yeanli mɛla ɛhye mɔ azo la.’ “Menli ne amuala baha kɛ, ‘Amen!’

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

2 Tem 1:11

Edwɛkpa ɛhye yɛɛ Nyamenle ɛyɛ kɛ membɔ ye nolo, menyɛ ɛzoanvolɛ na mengilehile a.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 7:22

Ngakyile ɛhye maa Gyisɛse yɛ ngyekyeleɛ kpalɛ bie agyinlanudivolɛ.

Kɛlata mɔɔ bɛhɛlɛle bɛhɔmanle Hibuluma la 8:13

Saa Nyamenle ɛlɛka ngyekyeleɛ fofolɛ nwo edwɛkɛ a, ɛnee ɔkile kɛ yemaa alumua ngyekyeleɛ ne ɛyɛ mgbane. Debie biala mɔɔ kɛkpa nwolɛ la ɛngyɛ biala na yeaminli.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Dw 1:1

Yɛlɛkɛlɛ bɛ wɔ ngoane Edwɛkɛ ne mɔɔ mɔlebɛbo ne ɛnee ɔwɔ ɛkɛ ne na yɛde, yɛnwu ye yɛ nye zo, yɛnlea ye kpalɛ, na yɛva yɛ sa yɛha ye la anwo.