2 Kɔl 3:5 - BAEBOLO ANZƐƐ BULUKU NWUANZANWUANZA

⁵ Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

2 Kɔl 3:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:16

Dwosefi buale kɛ, “Nana, medame me ngome mengola. Nyamenle yɛɛ bahile ɔ bo ahile Nana a.”

2 Edk 30:12

Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Edwɛkpa ne kɛmɔ Luku hɛlɛle la 24:49

Medame mumua ne mebazoa deɛ mɔɔ Egya vale bɔle ɛwɔkɛ la wɔ bɛ nwo. Bɛdɛnla suakpole ɛhye azo ɛke kɔkpula kɛ tumi vi anwuma kɛra bɛ nwo zo la.”

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Wulo 15:18

Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu,

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 3:10

Menvale ahyɛlɛdeɛ ne mɔɔ Nyamenle ɛva ɛlo me la mendole sua ne abo kɛ suasivolɛ kpalɛ, yɛɛ awie ɛlɛto zolɛ a. Na ɔwɔ kɛ awie biala nea kɛ ɔsi ɔto zolɛ la boɛ.

1 Kɔl 3:6

Menluale ma ne yɛɛ Apɔlɔso guguale zolɛ nzule, na Nyamenle a manle ɔnyinle a.

2 Kɔl 12:9

Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.