2 Kɔl 3:3 - BAEBOLO ANZƐƐ BULUKU NWUANZANWUANZA

³ Ɔla ali wienyi kɛ Kelaese ɔdaye yɛɛ ɔhɛlɛle kɛlata ɛhye na ɔvale ɔzoanle yɛ a. Yeanva “ɛnke” a ɔhɛlɛle a, yɛɛ yeangɛlɛ ye wɔ bolɛ zo, ɔhɛlɛle ye wɔ menli ahonle zo.

2 Kɔl 3:3 ပူးပေါင်းရင်းမြစ်များ

Edwɛndolɛ Buluku ne 40:8

O me Nyamenle, mekulo kɛ meyɛ wɔ ɛhulolɛdeɛ; wɔ mɛla ne wɔ me ahonle nu.”

Edwɛndolɛ Buluku ne 42:2

Nyamenle anwo nzuhɔne ku me ɛkɛla, tease Nyamenle ne anwo nzuhɔne ku me. Kenlenzu yɛɛ mebara mearanwu Nyamenle anyunlu a?

Edwɛndolɛ Buluku ne 84:2

Me kunlu a anrɛɛ mewɔ ɛkɛ, me nwo dɔ Ɛdɛnkɛma Ɛzonlenlɛ Sua ne anu. Me ahonle nee me nwonane to edwɛne anyelielɛ nu maa tease Nyamenle ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:12

Ɛdɛnkɛma zele Mosisi kɛ, “Bɛla me nwo ɛke wɔ boka ye azo na kendɛ ɛkɛ. Mebava awolɛ ndɛbandɛba ne mɔ mɔɔ mehɛlɛ mɛla ne mɔ mɔɔ bɛbahilehile bɛ la zolɛ la meamaa wɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:18

Mɔɔ Nyamenle wiele tendɛ kile Mosisi wɔ Saenae Boka ne azo la, ɔvale awolɛ ndɛbandɛba nwiɔ ne mɔɔ Nyamenle mumua ne ɛva ɔ sa ɛrɛlɛsɛka ɛhɛlɛ mɛla ne mɔ zolɛ la ɔmanle Mosisi.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:15

Akee Mosisi vale awolɛ ndɛbandɛba nwiɔ ne mɔɔ bɛhɛlɛ mɛla ne mɔ wɔ bɛ nyunlu nee bɛ nzi la vi boka ne azo tolole rale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:1

Ɛdɛnkɛma zele Mosisi kɛ, “Se awolɛ ndɛbandɛba nwiɔ mɔɔ le kɛ alumua ɛdeɛ ne mɔ la. Mebahɛlɛ edwɛkɛ ne mɔɔ mengɛlɛle wɔ alumua ɛdeɛ ne mɔ mɔɔ ɛbubule bɛ la azo la wɔ zolɛ.

Mrɛlɛbulɛ Buluku ne 3:3

Mmamaa ɛ rɛle fi kɛ ɛkɛyɛ tieyɛ na ɛkɛli nɔhalɛ; kyekye bɛ mu nwiɔ kenda ɛ kɔme na fa sie wɔ ahonle nu.

Mrɛlɛbulɛ Buluku ne 7:3

Fa kyekye ɛ sa mrɛlɛsɛka ne mɔ, kɛlɛ bɛ wɔ wɔ ahonle zo.

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Buluku ne 17:1

Ɛdɛnkɛma se, “Bɛva bulalɛ pɛne a bɛhɛlɛ Dwudama ɛtane mɔɔ bɛyɛ la a. Bɛva pɛne mɔɔ ati le daemɔn la bɛhɛlɛ bɛ ɛtane ne mɔ wɔ bɛ ahonle nwo na bɛhɛlɛ bɛgua bɛ azukponle ne mɔ abati kpokpɔkoo ne mɔ azo.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Yizikeɛle Buluku ne 11:19

“ ‘Mebamaa bɛanyia ahonle fofolɛ na meamaa bɛ sunsum fofolɛ. Mebaye bolɛ ahonle ne wɔ bɛ nuhua na meamaa bɛ tieyɛ ahonle.

Daneɛle Buluku ne 6:26

Memaa bɛade kɛ meli mɛla kɛ awie biala mɔɔ wɔ me maanle ye anu la ɛzonle na ɔzulo Daneɛle Nyamenle ne. “Ɔluakɛ ɔle Tease Nyamenle, ɔwɔ ɛkɛ ne dahuu; na ɔbali belemgbunli dahuu.

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 3:7

Nyamenle anyunlunyia ne lale ali wɔ mekɛ mɔɔ ɔlɛ mɛla ne mɔɔ bɛhɛlɛle ye bolɛ zo la ɔlɛmaa Mosisi la. Na saa ɛnee Mosisi anyunlu ne mɔɔ dale la ɛlɛnu bɔbɔ a, mekɛ ne anu ɔdale kpole kpalɛ mɔɔ ɛnee Yizilayɛma ɛngola ɔ nyunlu nea a. Na saa mɛla ne mɔɔ zolɛ ɛlilɛ fa ewule ba la luale anyunlunyia zɛhae anu a rale a,

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

Kɛlata mɔɔ bɛhɛlɛle bɛhɔmanle Hibuluma la 10:16

“Awulae se, Saa kenle zɔhane pɛ nu a ngyekyeleɛ mɔɔ me nee bɛ bakyekye la ɛne: Mebava me mɛla meawula bɛ ahonle nu, na meahɛlɛ ye wɔ bɛ adwenle nu.”

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Dwɔhyua Buluku ne 3:10

Akee bɛbanwu kɛ tease Nyamenle ne nee bɛ a lua a, ɔluakɛ ɔbavoa Keenama, Hɛtema, Haevaema, Pɛlɛzema, Gɛgahyema, Amɔlema, yɛɛ Gyibɛsema na yeamaa bɛali bɛ nwo zo konim.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 2:12

“Kɛlɛ ɛhye kɔmaa Pɛgamɛm asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ dadeɛ anye nwiɔ ne mɔɔ yɛ nla la ɛkɛ.

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.

Yekile 3:1

“Kɛlɛ, ɛhye kɔmaa Saadese asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ Nyamenle Sunsum nsuu ne nee nwɔlɔra nsuu ne la ɛkɛ ne. Meze mɔɔ ɛlɛyɛ la amuala; meze kɛ wɔlie duma kɛ ɛ nye gyi zo, noko wɔwu.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Yekile 3:22

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.”

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”