2 Kɔl 3:17 - BAEBOLO ANZƐƐ BULUKU NWUANZANWUANZA

¹⁷ Awulae ne a le Nyamenle Sunsum ne, yɛɛ ɛleka mɔɔ Awulae Sunsum ne wɔ la, fanwodi wɔ ɛkɛ.

2 Kɔl 3:17 ပူးပေါင်းရင်းမြစ်များ

Edwɛndolɛ Buluku ne 51:12

Fa wɔ ngoanelielɛ nwo anyelielɛ ne sia bɛlɛ me, na buke wɔ munli nu sɔ me nu.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Dw 8:32

bɛbanwu nɔhalɛ ne, na nɔhalɛ ne bamaa bɛanyia bɛ ti.”

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

2 Tem 1:7

Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.