2 Kɔl 3:14 - BAEBOLO ANZƐƐ BULUKU NWUANZANWUANZA

¹⁴ Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

2 Kɔl 3:14 ပူးပေါင်းရင်းမြစ်များ

Edwɛndolɛ Buluku ne 69:23

Maa bɛ nye ɛzi mɔɔ bɛnnwu debie a; na bɛ gyakɛ ɛbili dahuu kɛ atɛ.

Ayezaya Buluku ne 25:7

Ɔbazɛkye debie biala mɔɔ bɛva bɛyɛ aguzo bɛheda maanle maanle ne mɔ azo la wɔ boka ɛhye azo.

Ayezaya Buluku ne 44:18

Menli zɛhae mɔ ɛnnwu mɔɔ bɛyɛ la, yɛɛ bɛnde ɔ bo, ɔluakɛ bɛ nye ɛzi, yemɔti bɛnnwu ɛhwee, yɛɛ bɛdo bɛ adwenle nu, yemɔti bɛnde debie biala abo.

Ayezaya Buluku ne 56:10

Ɔse, “Me sinzavolɛma ne anye ɛzi, bɛ biala ɛnlɛ adwenle; bɛle ahwea mumule, bɛngola kpo bɔbɔ; mɔɔ bɛze ye yɛ la a le nafelɛ mgbole nee ɛlalɛ mgbole ɛhanlɛ.

Ayezaya Buluku ne 59:10

Yɛfuovua bane nwo kɛ anyenzinliravolɛma, na yɛdi nvuovua kɛ menli mɔɔ ɛnlɛ ɛnyelɛ la. Yɛ gyakɛ kpulokpula ewia henlema kɛ asɛɛ aledwolɛ nu la, yɛɛ yɛlua menli mɔɔ te kpɔkɛ la avinli a yɛle kɛ avunli la.

Ayezaya Buluku ne 6:10

Maa menli ɛhye mɔ ɛsolo, bɛ nzo ɛdi, na bɛ nye ɛzi, anrɛɛ bɛkɛva bɛ nye bɛkɛnwu debie, bɛkɛva bɛ nzo bɛkɛde edwɛkɛ na bɛkɛde edwɛkɛ bo, na bɛahakyi bɛ nyɛleɛ na bɛayɛ bɛ ayile.’ ”

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Yizikeɛle Buluku ne 12:2

Ɔse, “Sonla ra, ɛde menli anzosesebɛma mɔɔ ɛngyɛ na ade atua la avinli. Bɛlɛ ɛnyelɛ, noko bɛnnwu debie; bɛlɛ ɛnzonlɛ, noko bɛnde edwɛkɛ, ɔluakɛ bɛle atuadelɛma.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Mateyu hɛlɛle la 16:17

Gyisɛse buale ye kɛ, “Dwɔn ara Saemɔn, nyilalɛ ɛha wɔ. Ɔluakɛ tɛ sonla yɛɛ ɛye nɔhalɛ ɛhye ɛhile wɔ a, na Egya mɔɔ wɔ anwuma la ɔ.

Edwɛkpa ne kɛmɔ Mateyu hɛlɛle la 6:23

Na saa ɛ nye ɛnle kpalɛ a, wɔ sonlabaka ne anu le awozinli. Na saa wienyi ne mɔɔ wɔ wɔ nu la le awozinli a, ɛnee noko ye awozinli ne kɛyɛ kabii kpalɛ.

Dw 12:40

“Nyamenle ɛzi bɛ nye na yemaa bɛsolo, amaa bɛ nye annwu debie na bɛ nzo ade edwɛkɛ, na bɛahakyi bɛara me nwo kɛ menyɛ bɛ ayile.”

Dw 12:46

Mera kɛ mame a mele ewiade wienyi ne a, amaa mɔɔ kɛlie me kɛli la anga awozinli nu.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 15:21

Ɔluakɛ Mosisi mɛla ne, bɛkenga ye Ɛnwomenlelielɛ Kenle biala wɔ nyianu azua ne mɔ anu, yɛɛ ɔ nloa edwɛkɛ noko bɛbɔ ye nolo wɔ sua biala azo.”

Ɛzoanvolɛma Gyima ne 16:14

Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

2 Kɔl 3:15

Ɛhɛe, ɛnɛ bɔbɔ, saa bɛka kɛ bɛkenga Mosisi mɛla ne mɔ a, ɛnee ɔle kɛ ɛdanlɛ ne tɛkeda bɛdabɛ mɔɔ bɛlɛtie la adwenle zo.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.