2 Kɔl 3:12 - BAEBOLO ANZƐƐ BULUKU NWUANZANWUANZA

¹² Kɛmɔ yɛlɛ anyelazo ɛhye la ati, yɛtendɛ a yɛnzulo.

2 Kɔl 3:12 ပူးပေါင်းရင်းမြစ်များ

Dw 10:24

Dwuuma bɔle yiale ye na bɛbizale ye kɛ, “Na ɛmaa yɛ nye agyinla ahɔdwu kenlenzu? Saa wɔmɔ a ɛle Mɛzaya ne a ɛnee ka ye wienyi kile yɛ.”

Dw 16:25

“Mebubu ɛhye mɔ mrɛlɛ nu mehile bɛ. Na mekɛ bara mɔɔ menrɛbu bɛ mrɛlɛ nu bieko a, mebaha Selɛ ne anwo edwɛkɛ wienyi meahile bɛ.

Dw 16:29

Ye ɛdoavolɛma ne zele ye kɛ, “Awulae, wɔ edwɛkɛ ne akee ɛkpa nwolɛ ɛdanlɛ wienyi, ɛmbu ye mrɛlɛ nu bieko.

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 9:27

Zɔhane ati Baanabase raboale ye na ɔ nee ye hɔle ɛzoanvolɛma ne ɛkɛ. Ɔhilehilele kɛ Sɔɔlo zile nwunle Awulae wɔ adevinli ne na Awulae dendɛle hilele ye, nee Sɔɔlo ahonle mɔɔ zile na ɔvale Gyisɛse duma ɔbɔle Edwɛkpa ne nolo wɔ Dɛmasekɛse la amuala ɔhilele bɛ.

Ɛzoanvolɛma Gyima ne 9:29

Eza ɔ nee Dwuuma mɔɔ ka Giliki la zule kpolera ɔmanle bɛnyianle adwenle kɛ bɛku ye.

1 Kɔl 14:19

Noko akee saa yɛyia nuhua kɛ yɛsonle a, menwɔhulo kɛ menwɔha edwɛkɛ agbɔkɛ nnu mɔɔ menli te ɔ bo la, amaa meava meahilehile awie mɔ, tɛla kɛ menwɔha edwɛkɛ agbɔkɛ apenle ngoko bulu wɔ aneɛ ngakyile nu mɔɔ awie ɛnrɛde ɔ bo la.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 3:11

Ɔluakɛ saa mɔɔ ɛngyɛ na yeanlu la lɛ anyunlunyia a, ɛnee mɔɔ wɔ ɛkɛ ne dahuu na ɔnnu ɛlɛ la anyunlunyia ɛdeɛ ne bo zolɛ.

2 Kɔl 4:13

Kɛmɔ yɛ diedi ne le kɛ Nyamenle Edwɛkɛ ne mɔɔ se, “Mendendɛle, ɔluakɛ menliele menlile” la, yɛdayɛ noko yɛtendɛ, ɔboalekɛ yɛdie yɛdi.

2 Kɔl 7:4

Medie bɛ medi, mefa bɛ metu me nwo! Me nwo tɔ me, yɛɛ wɔ yɛ anwongyelelɛ muala anu medi fɛlɛko kpole.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:14

Na me efiadenla ɛhye ɛmaa mediema ne mɔ dɔɔnwo ɛzi pi wɔ Awulae anu na bɛlɛbɔ Edwɛkpa ne nolo mɔɔ bɛnzulo ɛhwee a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Kɔlɔ 4:4

Yemɔti bɛzɛlɛ kɛ menwɔdendɛ menwɔhile nu wienyi, kɛmɔ ɔwɔ kɛ meyɛ ye ala la.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

1 Tem 3:13

Ɔluakɛ bɛdabɛ boavolɛma mɔɔ bɛkɛyɛ bɛ gyima kpalɛ la nyia bɛ nyunlu na bɛkola bɛka bɛ diedi mɔɔ wɔ Kelaese Gyisɛse anu la anwo edwɛkɛ mɔɔ bɛnzulo a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:8

Ɔlua ɛhye ati kɛmɔ Kelaese ati ɛle adiema la anrɛɛ mekola mese wɔ memaa ɛyɛ debie mɔɔ ɔwɔ kɛ ɛyɛ la,