2 Kɔl 3:1 - BAEBOLO ANZƐƐ BULUKU NWUANZANWUANZA

¹ Asoo mɔɔ meha la eza kile kɛ yɛlɛtu yɛ nloa anu? Anzɛɛ ɔhyia kɛ yɛfa nganvolɛ kɛlata yɛbakile bɛ, anzɛɛ yɛdie bie wɔ bɛ ɛkɛ ne, kɛmɔ bie mɔ yɛ la ɔ?

2 Kɔl 3:1 ပူးပေါင်းရင်းမြစ်များ

Ɛzoanvolɛma Gyima ne 18:27

Apɔlɔso yɛle ye adwenle kɛ ɔkaluolua Akaya (Giliki maanle nu) yeaha Nyamenle edwɛkɛ ne, zɔhane ati mediema ne mɔ boale ye na bɛhɛlɛle kɛlata bɛmanle ɔhɔmanle mediema mɔɔ wɔ nehane la, kɛ bɛlie ye kɛnlɛma gyɛlɛɛnye. Ɔhɔdwule la ɔyɛle moalɛ kpole ɔmanle bɛdabɛ mɔɔ bɛlua Nyamenle ɛlolɛ zo bɛrayɛ diedima la.

Wulo 16:1

Mekanvo adiema Fobi, mɔɔ le sonvolɛ raalɛ wɔ Sɛnkilia asɔne ne anu la meahile bɛ.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 16:3

Meba a mebahɛlɛ kɛlata meamaa bɛdabɛ bɛ menli mɔɔ bɛkɛdu bɛ la, na bɛava bɛ ahyɛlɛdeɛ ne bɛahɔ Gyɛlusalɛm.

1 Kɔl 3:10

Menvale ahyɛlɛdeɛ ne mɔɔ Nyamenle ɛva ɛlo me la mendole sua ne abo kɛ suasivolɛ kpalɛ, yɛɛ awie ɛlɛto zolɛ a. Na ɔwɔ kɛ awie biala nea kɛ ɔsi ɔto zolɛ la boɛ.

1 Kɔl 4:15

Saa Kelaese ati bɛlɛ adanedivolɛma apenle bulu bɔbɔ a, bɛnwu ye kɛ bɛ ze kokye. Ɔlua Edwɛkpa ne mɔɔ menvale membɛlɛle bɛ la ati, merayɛ bɛ ze wɔ Kelaese ati.

2 Kɔl 10:12

Yɛnzi yɛ kɛnra yɛmbu yɛ nwo bie anzɛɛ yɛnva yɛ nwo yɛndo menli mɔɔ bɛdabɛ bɛ ngome bɛkanvo bɛ nwo la anwo. Bɛdabɛ mɔɔ bɛfa bɛ nwo bɛto awie mɔ anwo, na bɛnea awie mɔ bɛfa bɛ bɛto bɛ nwo la ɛnze nrɛlɛbɛ.

2 Kɔl 10:18

Ɔluakɛ tɛ sonla mɔɔ kanvo ɔ ngome ɔ nwo la a sɔ Nyamenle anye a, na sonla mɔɔ Awulae kanvo ye la a sɔ Nyamenle anye a.

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 12:19

Wɔannea a bɛkɛdwenle kɛ yɛbɔ mɔdenle yɛaza yɛ ne wɔ bɛ nyunlu. Ɔnle zɔhane fee! Yɛtendɛ, kɛmɔ Kelaese kulo kɛ yɛtendɛ wɔ Nyamenle anyunlu la. Ayi mɔ, debie biala mɔɔ yɛyɛ la, bɛdabɛ bɛ kpalɛ ti ɔ.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 5:12

Tɛ kɛ asɛɛ yɛkulo kɛ yɛkanvo yɛ nwo yɛkile bɛ bieko ɔ, na yɛlɛbɔ mɔdenle kɛ bɛkɛva yɛ bɛkɛdu bɛ nwo, na bɛahola bɛanyia edwɛkɛ bɛaha bɛahile bɛdabɛ mɔɔ bɛfa menli gyinlabelɛ a bɛtu bɛ nloa anu na bɛnva bɛ subane a bɛtu bɛ nloa anu la.