2 Kɔl 2:4 - BAEBOLO ANZƐƐ BULUKU NWUANZANWUANZA

⁴ Menvale nyanelilɛ, arɛlebɔlɛ nee monle a mengɛlɛle bɛ a, amaa bɛanwu kɛ mesi mekulo bɛ la, na tɛ kɛ asɛɛ mekulo kɛ mebɔ bɛ rɛle la ati ɔ.

2 Kɔl 2:4 ပူးပေါင်းရင်းမြစ်များ

Edwɛndolɛ Buluku ne 119:136

Me nye monle twi bobobobo, ɔboalekɛ menli ɛnli wɔ mɛla ne mɔ azo. b

2 Kɔl 11:2

Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

2 Kɔl 12:15

Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

2 Kɔl 7:12

Yemɔti, saa mengɛlɛle bɛ kɛlata ne a, ɛnee tɛ ahenle mɔɔ yɛle ɛtane ne la ati ɔ, anzɛɛ ahenle mɔɔ bɛyɛle ye ɛtane ne la ati ɔ; mengɛlɛle, amaa bɛ ɛhulolɛ ne mɔɔ bɛlɛ ye wɔ me nwo la ala ali amaa bɛ wɔ Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:18

Ɔluakɛ dahuu meka, yɛɛ ɛnɛ noko melɛ nyanelilɛ melɛsi zolɛ a: menli dɔɔnwo wɔ ɛkɛ mɔɔ bɛ ɛbɛlabɔlɛ ne ɛmaa bɛyɛ Kelaese meanubaka ne azo ewule ne anwo agbɔvolɛ a.