2 Kɔl 2:3 - BAEBOLO ANZƐƐ BULUKU NWUANZANWUANZA

³ Ɛhye ati yɛɛ mengɛlɛle bɛ kɛlata ɛhendeɛ ne a, meangulo kɛ menwɔra na menli mɔɔ anrɛɛ kɛlielie me nye la abɔ me rɛle. Ɔluakɛ meze ye wienyi kɛ me nye die a, ɛnee bɛdabɛ noko bɛ nye ɛlie.

2 Kɔl 2:3 ပူးပေါင်းရင်းမြစ်များ

1 Kɔl 4:21

Boni a bɛkulo a? Saa melɛba a menva empele membɛla anzɛɛ menva sunsum nu ɛhulolɛ nee bɛtɛɛyɛlɛ membɛla?

2 Kɔl 1:15

Adwenle ɛhye a wɔ me ti anu ɛsesebɛ mɔɔ manle menlumuale mengyehyɛle kɛ mebarakpɔla bɛ, amaa bɛanyia nyilalɛ mɔnwo la.

2 Kɔl 1:23

Nyamenle di daselɛ, yɛɛ ɔze me ti anu! Memkpondɛ kɛ mebɔ bɛ rɛle la ati yɛɛ menyɛle me adwenle kɛ menrɛra Kɔlente a.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

2 Kɔl 7:12

Yemɔti, saa mengɛlɛle bɛ kɛlata ne a, ɛnee tɛ ahenle mɔɔ yɛle ɛtane ne la ati ɔ, anzɛɛ ahenle mɔɔ bɛyɛle ye ɛtane ne la ati ɔ; mengɛlɛle, amaa bɛ ɛhulolɛ ne mɔɔ bɛlɛ ye wɔ me nwo la ala ali amaa bɛ wɔ Nyamenle anyunlu.

2 Kɔl 7:16

Medi fɛlɛko kɛ mekola medie bɛ medi bɔkɔɔ a.

2 Kɔl 7:6

Noko Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle la, luale Taetɛse ɛralɛ ne azo kyekyele yɛ rɛle,

2 Kɔl 7:8

Na saa me kɛlata ne manle bɛ rɛle bɔle bɔbɔ a, menli nwolɛ nyane kɛ mengɛlɛle a. Noko akee menlile nyane wɔ mekɛ mɔɔ menwunle kɛ kɛlata ne ɛbɔ bɛ rɛle mekɛ ekyi bie la.

2 Kɔl 8:22

Yemɔti yɛlɛsoa bɛ nee yɛ muala yɛ diema ne mɔɔ mekɛ dɔɔnwo ne ala yɛzɔ ye yɛnlea na yɛnwu kɛ ɔkulo kɛ dahuu ɔboa la bɛ nwo lɔ. Kɛkala yelie bɛ yeli, yɛɛ yenyia ɛhulolɛ kpole kɛ ɔboa.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:10

Melɛ diedi wɔ Awulae anu kɛ bɛnrɛnyia adwenle fofolɛ biala kɛ me ɛdeɛ ne ala. Na ahenle holɛ ko mɔɔ ɔdaye ɔse ɔkɛgyegye bɛ la, Nyamenle badua ye kakɛ!

2 Tɛs 3:4

Awulae ɛmaa yɛ adwenle ɛzi pi wɔ bɛ nwo, yemɔti yɛze kɛ bɛlɛyɛ mɔɔ yɛhanle yɛhilele bɛ la, na eza bɛbahɔ zolɛ bɛayɛ ye zɔhane dahuu.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:21

Melɛkɛlɛ kɛlata ɛhye, ɔluakɛ medie medi kɛ ɛkɛyɛ mɔɔ melɛbiza la. Nɔhalɛ, meze kɛ ɛkola ɛyɛ ɛmaa ɔbo zolɛ.