2 Kɔl 2:14 - BAEBOLO ANZƐƐ BULUKU NWUANZANWUANZA

¹⁴ Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

2 Kɔl 2:14 ပူးပေါင်းရင်းမြစ်များ

Edwɛndolɛ Buluku ne 106:47

O Ɛdɛnkɛma yɛ Nyamenle, die yɛ, na boɔboa yɛ nloa fi maanle maanle ne mɔ anu, amaa yeayɛ wɔ mo, na yɛali fɛlɛko yeaye wɔ duma nwuanzanwuanza ne ayɛlɛ.

Edwɛndolɛ Buluku ne 148:14

Yemaa ye menli ne anwosesebɛ, amaa Nyamenle menli ne aye ye ayɛlɛ, ye menli Yizilayɛma mɔɔ la ye ahonle nwo. Bɛye Ɛdɛnkɛma ayɛlɛ!

Sɔlɔmɔn Edwɛne 1:3

Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Yizikeɛle Buluku ne 20:41

Saa me nee bɛ vi menli ngakyile nee maanle maanle mɔɔ mendole bɛ memkpondenle nu la anu sia ba a, mebalie bɛ kɛ azubɔlɛ evuanlɛ, na meahile me nwuanzanwuanzayɛlɛ ne wɔ bɛ avinli meamaa maanle maanle kɔsɔɔti anwu ye.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Wulo 1:8

Medumua mealua Gyisɛse Kelaese anwo zo meayɛ Nyamenle mo wɔ bɛ kɔsɔɔti bɛ ti, ɔluakɛ bɛ diedi nganeɛ ɛdwu ewiade amra amuala anzo nu.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 15:37

Ma ne mɔɔ ɛkɛlua la, tɛ yemɔ a le baka mumua ne mɔɔ bafifi la. Ɔle ma ala, bie a ɛnee abɛlɛ ma anzɛɛ atoko ma anzɛɛ baka gyɛne bie ma ɔ.

1 Kɔl 15:57

Na yɛyɛ Nyamenle mo kɛ ɔdua yɛ Awulae Gyisɛse Kelaese anwo zo ɔmaa yɛdi konim a!

2 Kɔl 1:11

ɔlua bɛ nzɛlɛlɛ ti. Zɔhane ala yɛɛ menli dɔɔnwo bayɛ Nyamenle mo wɔ yɛ ti, kɛ ɔlua menli somaa nzɛlɛlɛ zo yelo yɛ ɛlolɛ kpole zɛhae a.

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

2 Kɔl 9:15

Bɛmaa yɛyɛ Nyamenle mo wɔ ye nwanwane ahyɛlɛdeɛ ne ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20

Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

Kɔlɔ 2:15

Kelaese liele ɔ nwo wɔ meanubaka ne azo wɔ awozinli ewiade ye sunsum nu tumima asa anu, ɔguale bɛ nyunlu aze wɔ bagua nu na ɔzinlanle bɛ nyɛma zo wɔ ye konimlilɛ ɛlɔnwɔnedolɛ ne anu.

1 Tɛs 1:8

Ɔluakɛ tɛ Awulae anwo nrɛlaleɛ ne angome yɛɛ vi bɛ ɛkɛ ne dwule Masidonea nee Akaya a, na eza bɛ diedi mɔɔ wɔ Nyamenle anu la noko ɛdwu menli mɔɔ wɔ ɛleka muala la anzo nu. Ɛhye ati, ɔngyia kɛ yɛkɛha nwolɛ edwɛkɛ bɔbɔ.

1 Tɛs 3:9

Kɛkala yɛkola yɛyɛ Nyamenle mo wɔ bɛ ti. Yɛyɛ Nyamenle mo wɔ anyelielɛ mɔɔ bɛmɛ bɛ ti yɛlɛ ye wɔ ɔ nyunlu la.

1 Tem 2:8

Saa bɛyia nuhua kɛ bɛsonle a, mekpondɛ kɛ mrenya ala a yɛ nzɛlɛlɛ a. Ɔwɔ kɛ mrenya zɛhae mɔ yɛ menli mɔɔ bɛdu bɛ nwo bɛmaa Nyamenle na bɛkola bɛmaa bɛ sa zo bɛsɛlɛ mɔɔ ɛya anzɛɛ kpolerazulɛ biala ɛnle nu a.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”