2 Kɔl 2:13 - BAEBOLO ANZƐƐ BULUKU NWUANZANWUANZA

¹³ Noko me nwo andɛ me kpalɛ biala, ɔluakɛ meannwu me diema Taetɛse wɔ ɛkɛ. Yemɔti me nee ɛkɛ ne amra lile nrɛlaleɛ na mendoale zolɛ mengɔle Masidonea.

2 Kɔl 2:13 ပူးပေါင်းရင်းမြစ်များ

Daneɛle Buluku ne 6:19

Aleɛbahye ne, belemgbunli ne dwazole na ɔhanle ɔ nwo ɔhɔle awenade tunli ne anwo.

Edwɛkpa ne kɛmɔ Maake hɛlɛle la 6:46

Ɔ nee menli ne wiele nrɛlaleɛ di la, akee ɔhɔle boka bie azo kɛ ɔkazɛlɛ.

Ɛzoanvolɛma Gyima ne 21:6

Akee yɛlile nrɛlaleɛ na yɛhɔvole ɛlɛne ne anu, na bɛdabɛ noko bɛziale bɛhɔle sua nu.

Wulo 15:26

Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la.

2 Kɔl 12:18

Menzɛlɛle Taetɛse, na menzoanle ye nee adiema nrenya ko wɔ bɛ nwo lɔ, na ɛnee Taetɛse a rasisile bɛ a? Asoo ɔ nee me yɛ adwenle anyɛ ko, yɛɛ yɛmbɔ yɛ ɛbɛla ko?

2 Kɔl 7:13

Zɔhane ati yɛ rɛle ɛkyekye. Tɛ yɛ rɛle mɔɔ ɛkyekye la angome, na yɛ nye liele kpole wɔ Taetɛse anyelielɛ mɔɔ ɔnyianle ye, nee ɔ rɛle mɔɔ bɛ muala bɛboale bɛkyekyele la anwo.

2 Kɔl 7:14

Saa mendule me nloa anu mengilele ye wɔ bɛ nwo a, bɛangua me nyunlu aze. Debie biala anu yɛka nɔhalɛ ne yɛkile bɛ, na ɛhye ati yɛɛ yɛ nloa anu mɔɔ yɛdule yɛhilele Taetɛse la ɛyɛ nɔhalɛ a.

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

2 Kɔl 8:23

Taetɛse ɛdeɛ, ɔle me gɔnwo mɔɔ yɛbɔ nu yɛyɛ gyima yɛboa bɛ a; mediema mɔɔ nee ye ɛlɛba la gyigyi asɔne ne mɔ agyakɛ anu, yɛɛ bɛte Kelaese anyunlu.

2 Kɔl 8:6

Zɔhane ati yɛzɛlɛ Taetɛse mɔɔ lumuale bɔle gyima ɛhye abo la kɛ ɔrazɔ zolɛ wɔ bɛ nwo lɔ na ɔboa bɛ ɔmaa bɛwie ɛhulolɛ ɛzonlenlɛ ɛhye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:1

Ɛvolɛ bulu nee nna pɛle nu la me nee Banabase yɛhɔle Gyɛlusalɛm bieko. Menvale Taetɛse membokale yɛ nwo yɛhɔle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:3

Na Taetɛse bɔbɔ mɔɔ le Gilikinli na ɔ nee yɛ a hɔle la, bɛanga kɛ ɔyɛ ye mrenyanu nzonlɛ.

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.