2 Kɔl 2:12 - BAEBOLO ANZƐƐ BULUKU NWUANZANWUANZA

¹² Mɔɔ mendwule Tulowase kɛ mekabɔ Kelaese anwo Edwɛkpa ne nolo la, menwunle kɛ Awulae ɛbuke adenle ɛmaa me kɛ menli gyima wɔ ɛkɛ.

2 Kɔl 2:12 ပူးပေါင်းရင်းမြစ်များ

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 16:11

Yɛvale ɛlɛne yɛvile Tulowase yɛdole ye zo yɛhɔle Samotelase, ye alehyenlɛ nu ɛnee yɛwɔ Niapɔlese.

Ɛzoanvolɛma Gyima ne 16:8

Ɛhye ati bɛpɛle nu bɛhɔluale Mesea maanzinli nu na bɛhɔle Tulowase.

Ɛzoanvolɛma Gyima ne 20:8

Ahɛnlaneɛ dɔɔnwo wɔ esanwu ne ekpumgbunli ne mɔɔ yɛwɔ nu la anu.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

1 Kɔl 16:9

Agbɔvolɛ zonle ɛke bɔbɔ ɛdeɛ, noko gyima bedevinli bie mɔɔ anwo hyia la anye ɛrala ɛkɛ ne ɛmaa me kɛ ɔwɔ kɛ medi.

1 Kɔl 9:12

Saa awie mɔ bɔbɔ lɛ adenle kɛ bɛdie ɛhye wɔ bɛ lɔ a, ɛnee akee yɛmɛ ɛ? Noko yɛtɛyɛle debie zɛhae mɔ bie. Yɛkponle ninyɛne muala azo, amaa yɛandua Kelaese anwo Edwɛkpa ne ɛhanlɛ adenle.

1 Kɔl 9:14

Zɔhane ala yɛɛ Awulae ɛhyehyɛ ɛdo ɛkɛ ne kɛ ɔwɔ kɛ bɛdabɛ mɔɔ bɛbɔ Edwɛkpa ne nolo la nyia bɛ aleɛ fi bɛ gyima nu a.

1 Kɔl 9:16

Menlɛ adenle kɛ mememaa me nwo zo kɛ mebɔ Edwɛkpa ne nolo a, ɔluakɛ ɔle me gyima mɔɔ ɔwɔ kɛ meyɛ a. Saa meambɔ Edwɛkpa ne nolo a, me gyakɔ!

2 Kɔl 10:14

Yɛdayɛ a yɛlumuale yɛvale Kelaese anwo Edwɛkpa ne yɛrɛlɛle bɛ a, yemɔti saa yɛfa bɛ yɛtu yɛ nwo a, ɛnee yɛtɛyɛle yɛtɛmanle ɔtɛbole zolɛ.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

2 Kɔl 11:7

Yemɔti kɛmɔ membɔle Nyamenle Edwɛkpa ne nolo mengilele bɛ mɔɔ meanlie bɛ ɛhwee, na menganle me nwo aze, amaa meamaa bɛ zo la, se ɛnee me ɛtane mɔɔ meyɛ la ɛne?

2 Kɔl 4:3

Na saa edwɛkɛ ne mɔɔ yɛbɔ ye nolo la bɛheda zolɛ a, ɛnee bɛheda zolɛ bɛmaa bɛdabɛ mɔɔ bɛlɛminli la ala.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 8:18

Yɛlɛsoa ye nee adiema ne mɔɔ asɔne ne mɔ amuala di ye eni wɔ Edwɛkpa ne nolobɔlɛ nwo la.

2 Kɔl 9:13

Bɛ ɛzonlenlɛ gyima ɛhye kile bɛ diedi mɔɔ bɛlɛ la. Ɔlua zo menli dɔɔnwo ye Nyamenle ayɛlɛ kɛ bɛdi Kelaese anwo Edwɛkpa ne mɔɔ bɛlie bɛdo bɛ nwo zo la azo, na bɛ nee awie biala kyɛ nyilalɛ mɔɔ bɛnyia ye la.

Kɔlɔ 4:3

Eza bɛzɛlɛ bɛmaa yɛdayɛ noko kɛ Nyamenle ɛmaa yɛ mekɛ kpalɛ ɔmaa yɛbɔ fealera nu Edwɛkpa ne mɔɔ fane Kelaese anwo la nolo. Ɔluakɛ ɛhye ala ati yɛɛ kɛkala mela efiade a.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,