2 Kɔl 13:8 - BAEBOLO ANZƐƐ BULUKU NWUANZANWUANZA

⁸ Yɛngola yɛnyɛ debie biala yɛntia nɔhalɛ ne. Mɔɔ yɛkola ye yɛ la, yɛyɛ yɛboa nɔhalɛ ne.

2 Kɔl 13:8 ပူးပေါင်းရင်းမြစ်များ

1 Arl 22:28

Na Maekaya hanle kɛ, “Saa ɛsia ɛba sua nu anzonudwolɛ nu a ɛnee Ɛdɛnkɛma anlua me nwo zo andendɛ.” Akee ɔhanle ɔzɔle zolɛ kɛ, “Bɛ muala bɛdie bie!”

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.

Mrɛlɛbulɛ Buluku ne 26:2

Amowa mɔɔ ɛnlɛ ɔ bo la ɛndila. Ɔle kɛ ngɛsanoma mɔɔ di tutɛnla anzɛɛ nyamenleakatiba mɔɔ di ahyimango la.

Edwɛkpa ne kɛmɔ Maake hɛlɛle la 9:39

Gyisɛse zele bɛ kɛ, “Bɛmmatua ye, ɔluakɛ awie biala ɛnrɛhola ɛnrɛyɛ nwanwane debie wɔ me duma nu na nzinlii yeaha me nwo edwɛkɛ ɛtane.

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 13:7

Yɛsɛlɛ Nyamenle kɛ bɛnrɛyɛ ɛtane, tɛ kɛ amaa bɛanwu kɛ yɛho yɛdɔ zolɛ ɔ, na amaa yɛmɛ, saa ɔzɔho kɛ yɛkpo aze bɔbɔ a, bɛmɛ bɛayɛ mɔɔ le fɔɔnwo la.

2 Kɔl 13:9

Yɛdi fɛlɛko kɛ bɛkɛyɛ se na yɛmɛ yɛkɛyɛ bɛtɛɛ. Yɛsɛlɛ kɛ bɛkɛli munli.

1 Tem 1:20

Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.