2 Kɔl 13:5 - BAEBOLO ANZƐƐ BULUKU NWUANZANWUANZA

⁵ Bɛnleɛnlea bɛ ahonle nu, na bɛnlea kɛ bɛtɛdɛ bɛ diedi ne anu. Bɛzɔ bɛ nwo bɛnlea; asoo bɛnnwu kɛ Kelaese Gyisɛse wɔ bɛ nu? Ɛnee kyesɛ bɛangola sɔnea ne anloa gyinla.

2 Kɔl 13:5 ပူးပေါင်းရင်းမြစ်များ

Edwɛndolɛ Buluku ne 119:59

Saa medwenle wɔ ndenle ne mɔ anwo a, mekakyi me nye meba wɔ mɛla ne mɔ anwo.

Edwɛndolɛ Buluku ne 17:3

Saa ɛsɔ me ɛnea, saa ɛba me nwo nɔɔzo, saa ɛneɛnlea me nu a, ɛkɛnwu kɛ menle amumuyɛ; menva me nloa menga ɛtane.

Edwɛndolɛ Buluku ne 26:2

O Ɛdɛnkɛma, neɛnlea me nu na sɔ me nea, sɔ me adwenle nee me ahonle nea.

Gyɛlɛmaya Buluku ne 6:30

Bɛfɛlɛ bɛ dwɛtɛ fufule ebinli, ɔluakɛ medame Ɛdɛnkɛma, mekpo bɛ.”

Gyɛlɛmaya Awolɛyelɛ 3:40

Bɛmaa yɛnlea yɛ ɛbɛlabɔlɛ nu boɛ, na yɛzia yɛrɛla Ɛdɛnkɛma ɛkɛ.

Yizikeɛle Buluku ne 18:28

Kɛmɔ ɔdwenlenle nwolɛ na ɔhwenle ɔ nwo ɔvile ye mɛladonlɛ ne mɔ anwo la ati, ɔbanyia ngoane, ɔnrɛwu.

Hagae Buluku ne 1:5

Zɔhane ati medame Tumivolɛ Ɛdɛnkɛma, mese: Bɛnlea kɛ bɛwie ye a.

Hagae Buluku ne 1:7

Medame Tumivolɛ Ɛdɛnkɛma, mese: Bɛnlea kɛ bɛwie ye a.

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 15:4

Bɛhɔ zolɛ bɛdɛnla me nu, na medame mendɛnla bɛ nu. Baka ɛhane ngome ɛngola ɛnzo ma; saa ɔwɔ vanye baka ne anwo a yɛɛ ɔso ma a. Zɔhane ala yɛɛ bɛdabɛ noko bɛnrɛhola bɛnrɛyɛ Nyamenle ɛhulolɛdeɛ ne a, kyesɛ bɛmeta me nwo kɛ baka ngane la.

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Dw 17:26

Mela wɔ ali mehile bɛ na mebahɔ zo meayɛ ye zɔhane, amaa ɛhulolɛ ne mɔɔ ɛlɛ ye me nwo la adɛnla bɛ nu, na medame noko meadɛnla bɛ nu.”

Dw 6:56

Sonla mɔɔ di me nwonane na ɔno me mogya la de me nu, yɛɛ medame mede ye nu.

Dw 6:6

(Ɔhanle ɛhye ɔvale ɔzɔle Felepe ɔnleanle; na ɛnee ɔze mɔɔ ɔdaye mumua ne ɔbayɛ la.)

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 8:10

Na saa Kelaese de bɛ nu a, ɛnee saa ɛtane ti bɛwu nwonane nu bɔbɔ a, Sunsum ne anu bɛlɛ ngoane, ɔboalekɛ bɛlie bɛ bɛmaa bɛzɔ Nyamenle anye.

1 Kɔl 11:28

Yemɔti ɔwɔ kɛ awie biala dumua neɛnlea ye ahonle nu kpalɛ na yeali kpanwo ne, yeanlo dwora ne anu.

1 Kɔl 11:31

Na saa yɛdumua yɛneɛnlea yɛ ahonle nu kpalɛ a Nyamenle ɛnrɛdea yɛ.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 6:15

Bɛnze kɛ bɛ sonlabaka ne mɔ le Kelaese ɛdeɛ ne nvɛyeba nvɛyeba mɔɔ bɔ nu yɛ Awulae sonlabaka ne la ɔ? Asoo menva Kelaese sonlabaka ne nvɛyeba membɔ tuutuu ɛbɛla? Nyamenle ɛkpa ɛgua!

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

1 Kɔl 6:2

Bɛnze kɛ Nyamenle menli ye ala a babua ewiade amra ndɛne a? Na saa bɛmɛ a bɛbabua ewiade amra ndɛne a, ɛnee duzu ati a bɛngola edwɛkɛ ngyikyi ɛhye mɔ siezie ɛ?

1 Kɔl 9:24

Bɛze ye wienyi kɛ menli dɔɔnwo a su ɛnriandilɛ a, noko bɛ nuhua ko ala yɛɛ asa ka nwolɛ ahyɛlɛdeɛ ne a. Ɛhye ati bɛnriandi kpalɛ kɛ bɛkɛnyia nwolɛ ahyɛlɛdeɛ ne.

1 Kɔl 9:27

Mebɔ mɔdenle mesɔ me nwo na megyinla me ti koonwu medie abotokuma kpalɛ, amaa mame mɔɔ mebɔ edwɛkɛ ne nolo la meandɔ sinli wɔ sɔnea ne anu.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:4

Awie biala ɔdaye ɔwɔ kɛ ɔbua ye nyɛleɛ nwo ndɛne, na saa ɔle kpalɛ a yeava mɔɔ yeyɛ la yeadu ɔ nwo; ɔmmafa awie ɛdeɛ mɔɔ ɛyɛ la ɔto ye ɛdeɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 2:19

Menli zɔhane mɔ ɛkpo kɛ bɛnrɛdoa Kelaese mɔɔ le Asɔne ne ati la. Kelaese a le Asɔne ne, mɔɔ le ye sonlabaka ne. Ɔdi ye adane, ɔkuohua ye ɔmaa ɔnyi, kɛmɔ Nyamenle kpondɛ ye ala la.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tem 2:15

Noko saa raalɛ ka ɔ nwo aze, ɔbɔ mɔdenle ɔtɛnla diedi, ɛhulolɛ nee anwondelɛ nu a, ɔlua mralɛ ɛwolɛ ti bɛkɛlie ye ngoane.

2 Tem 3:8

Kɛmɔ Gyanize nee Gyambilize dwazole tiale Mosisi la, zɔhane ala yɛɛ menli ɛhye mɔ tia nɔhalɛ ne a. Bɛle menli mɔɔ bɛ adwenle ɛnli munli na bɛ diedi tɔ sinli a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:13

Na mɔɔ ɔhanle la le nɔhalɛ. Ɔlua ɛhye ati ɔwɔ kɛ ɛtwi bɛ nyunlu kpalɛ, amaa bɛanyia diedi mɔɔ yɛ nla la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:2

Kilehile mrenya mgbanyinli ne mɔ maa bɛyɛ bɛ nye gyɛlɛmgbɛɛnye, bɛdwenle, bɛzie bɛ nwo diinyi, bɛmaa bɛ diedi ɛyɛ nla, na bɛnyia ɛhulolɛ nee abotane.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Kɛlata mɔɔ bɛhɛlɛle bɛhɔmanle Hibuluma la 6:8

Na saa azɛlɛ zɛhae azo fifi mbowule nee ndile a, nvasoɛ biala ɛnle zo; ɔle kɛ asɛɛ Nyamenle ɛwa ye amonle ɛwie na bɛbava senle bɛazɛkye ye la.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

1 Pit 5:9

Bɛzɔ bɛ diedi ne anu kpundii, bɛho bɛtia ye na bɛnwu kɛ bɛ mediema diedima mɔɔ wɔ ewiade ye anu ɛleka biala la ɛlɛnwu zɛhae amaneɛ ne bie.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.