2 Kɔl 13:11 - BAEBOLO ANZƐƐ BULUKU NWUANZANWUANZA

¹¹ Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

2 Kɔl 13:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:4

Na mɔɔ ɔ mediema ne mɔ nwunle kɛ bɛ ze kulo ye edwɛkɛ tɛla bɛ la, bɛangulo ye edwɛkɛ yɛɛ bɛ nee ye ambɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 45:24

Akee ɔgyakyile ɔ mediema ne mɔ adenle, na mɔɔ bɛkɔ la ɔzele bɛ kɛ, “Bɛmmakɔdi butule wɔ adenle nu o!”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Edwɛkpa ne kɛmɔ Maake hɛlɛle la 10:49

Gyisɛse gyinlanle na ɔzele kɛ, “Bɛvɛlɛ ye bɛmaa me.” Bɛvɛlɛle nrenya anyenzinliravolɛ ne na bɛzele ye kɛ, “Ka wɔ ahonle to azule nu; dwazo na ɔlɛfɛlɛ wɔ.”

Edwɛkpa ne kɛmɔ Maake hɛlɛle la 9:50

“Ngyenle le kpalɛ; na saa ɔta a, kɛ ɛkɛzi ɛkɛyɛ na yeayɛ menlemenle bieko ɛ? “Bɛmaa bɛ ɛbɛlabɔlɛ ne ɛyɛ kɛ ngyenle, ɛde bɛ, na bɛ nee menli kɔsɔɔti ɛdɛnla anzonudwolɛ nu.”

Edwɛkpa ne kɛmɔ Luku hɛlɛle la 9:61

Awie ko noko hanle hilele Gyisɛse kɛ, “Yɛmenle, mekulo kɛ me nee wɔ kɔ; noko maa menlumua mengɔngɛla me sua nu amra.”

Dw 17:23

maa mendɛnla bɛ nu, na ɛdawɔ noko tɛnla me nu, amaa bɛayɛ ko kpalɛ kpalɛ, na ewiade amra anwu kɛ ɛdawɔ a ɛzoanle me a, na ɛkulo bɛ kɛmɔ ɛkulo me la.

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Ɛzoanvolɛma Gyima ne 18:21

Ɔzele bɛ kɛ, “Saa ɔyɛ Nyamenle ɛhulolɛ a mebazia meara.” Na ɔvi Ɛfɛsɛse ɔvale ɛlɛne ɔhɔle.

Ɛzoanvolɛma Gyima ne 23:30

Eza mede kɛ bɛvua kɛ bɛnyia ye a bɛkɛhu ye, yemɔti meyɛ kɛ bɛva ye bɛrɛlɛ wɔ. Meze menli mɔɔ donle ye ɛzonle la noko kɛ bɛva bɛ edwɛkɛ ne bɛrado ɛ nyunlu.”

Wulo 12:16

Bɛmaa bɛ muala bɛ adwenle ɛyɛ ko. Bɛmmayɛ mgbanyizonle, bɛ nee ahoahweabane ɛdu. Bɛmmabu bɛ nwo kɛ bɛle nrɛlɛbɛvolɛma.

Wulo 12:18

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu.

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 15:33

Nyamenle mɔɔ maa anzonudwolɛ la nee bɛ muala ɛdɛnla. Amen.

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

2 Kɔl 1:4

Ɔkyekye yɛ rɛle wɔ amaneɛnwunlɛ kɔsɔɔti anu na yɛdua ye arɛlekyekyelɛ ne azo yɛkyekye bɛdabɛ mɔɔ bɛ nwo ɛhyele bɛ wɔ ndenle ngakyile dɔɔnwo anu la arɛle.

2 Kɔl 13:9

Yɛdi fɛlɛko kɛ bɛkɛyɛ se na yɛmɛ yɛkɛyɛ bɛtɛɛ. Yɛsɛlɛ kɛ bɛkɛli munli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:12

Ɔyɛle ɛhye ɔvale ɔzieziele Nyamenle menli kɔsɔɔti ɔmanle Keleseɛn ɛzonlenlɛ gyima ne, amaa bɛayɛ Kelaese asɔnema

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:3

Bɛbɔ mɔdenle kɛ bɛkɛdɛnla anzonudwolɛ nu na bɛmaa koyɛlɛ ne mɔɔ Sunsum ne ɛva ɛmaa bɛ la ɛwoa ɛkɛ ne dahuu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:23

Nyamenle Selɛ ne, nee Awulae Gyisɛse Kelaese ɛmaa mediema ne mɔ amuala anzonudwolɛ nee diedi nu ɛhulolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:16

Noko kɛ ɔde biala la, bɛmaa yɛhɔ yɛ nyunlu yɛzɔ mɔɔ yɛlɛ la anu boɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:2

Mebodo mesɛlɛ Yiwodea nee Senteki kɛ bɛmaa bɛ nloa ɛzɛ bɛ nwo kɛ mediema mraalɛ mɔɔ nee Awulae a lua a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Pɔɔlo Kɛlata mɔɔ ɔhɛlɛle ɔhɔmanle Felepaema la 4:9

Bɛyɛ ninyɛne mɔɔ bɛzukoa na bɛlie bɛdo nu bɛvi me ɛdendɛlɛ nee me nyɛleɛ nu la, na Nyamenle ne mɔɔ maa yɛ anzonudwolɛ la nee bɛ badɛnla.

1 Tɛs 3:10

Alehyenlɛ nee aledwolɛ kɔsɔɔti yɛfa yɛ ahonle muala yɛsɛlɛ kɛ yɛkɛnwu bɛ nyunlu na mɔɔ bɛhyia nwo wɔ bɛ diedi nu la yɛayɛ yɛamaa bɛ.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 4:18

Yemɔti, bɛva ɛhye mɔ bɛkyekye bɛ rɛle ng bɛkyekye bɛ rɛle ng

1 Tɛs 5:13

Bɛli bɛ eni kpole kpalɛ na bɛhulo bɛ wɔ bɛ gyima ne mɔɔ bɛyɛ la ati. Bɛmaa bɛ muala bɛ nloa ɛzɛ bɛ nwo.

1 Tɛs 5:16

Dahuu bɛmaa bɛ nye ɛlie,

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

2 Tɛs 3:1

Mediema, edwɛkɛ mɔɔ li amozi la a le kɛ, bɛzɛlɛ bɛmaa yɛ kɛ Awulae edwɛkɛ ne kɛdɛlɛ ndɛndɛ na ɔkɛli konim, kɛmɔ ɔyɛle ye wɔ bɛ nu la.

2 Tɛs 3:16

Yɛsɛlɛ kɛ Awulae mumua ne, mɔɔ le anzonudwolɛ maavolɛ la ɛmaa bɛ nzo nu ɛdwo bɛ mekɛ biala nee adenle biala anu. Awulae nee bɛ ɛdɛnla.

2 Tem 2:22

Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Gyemise Kɛlata ne 1:4

Bɛzi pi wɔ anwosesebɛ ɛhye anu na bɛgyinla kpundii mɔɔ bɛmkpo aze ɛlɛ, amaa bɛali munli bɔkɔɔ mɔɔ bɛngyia debie biala anwo a.

1 Pit 3:11

Ɔwɔ kɛ ɔtwe ɔ nwo ɔfi ɛtane nwo na ɔyɛ kpalɛ; ɔwɔ kɛ ɔkpondɛ anzonudwolɛ bo zo na ɔdi ɔ nzi.

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

Yekile 22:21

Awulae Gyisɛse ɛlo Nyamenle menli ne amuala na ɔ nee bɛ ɛdɛnla. Amen.