2 Kɔl 13:10 - BAEBOLO ANZƐƐ BULUKU NWUANZANWUANZA

¹⁰ Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 13:10 ပူးပေါင်းရင်းမြစ်များ

1 Kɔl 4:21

Boni a bɛkulo a? Saa melɛba a menva empele membɛla anzɛɛ menva sunsum nu ɛhulolɛ nee bɛtɛɛyɛlɛ membɛla?

1 Kɔl 5:4

Saa me sunsum ne nee bɛ di ayia a, bɛlua Awulae Gyisɛse tumi ne mɔɔ boka yɛ nwo la azo

2 Kɔl 10:2

bɛmmayɛ bɛmaa saa meba bɛ nwo lɔ a me nee bɛ bie badi ye ɛsesebɛ, ɔboalekɛ medie me nwo medi kɛ mekola mekile bɛdabɛ mɔɔ bɛse yɛfa ewiade adwenle a yɛbɔ yɛ ɛbɛla la kɛ meyɛ se.

2 Kɔl 10:4

Tɛ ewiade konle ninyɛne a yɛfa yɛko a; Nyamenle konle ninyɛne mɔɔ tumi wɔ nu la a yɛfa yɛbubu aranemgbole ne mɔ a. Yɛsɛkye kpolerazulɛ mgbane mgbane;

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 13:2

Mekakye bɛdabɛ mɔɔ bɛyɛ ɛtane dɛba, nee bɛdabɛ mɔɔ bɛha la amuala kɛ, meha ye dɛba wɔ mekɛ mɔɔ membamkpɔlale bɛ mɔɔ tɔ zolɛ nwiɔ la, yɛɛ melɛka ye bieko kɛkala mɔɔ menle bɛ nwo lɔ la kɛ, saa meba a bɛ nuhua biala mɔɔ ɛyɛ ɛtane la ɛnrɛva ɔ nwo dwɔɔ.

2 Kɔl 13:8

Yɛngola yɛnyɛ debie biala yɛntia nɔhalɛ ne. Mɔɔ yɛkola ye yɛ la, yɛyɛ yɛboa nɔhalɛ ne.

2 Kɔl 2:3

Ɛhye ati yɛɛ mengɛlɛle bɛ kɛlata ɛhendeɛ ne a, meangulo kɛ menwɔra na menli mɔɔ anrɛɛ kɛlielie me nye la abɔ me rɛle. Ɔluakɛ meze ye wienyi kɛ me nye die a, ɛnee bɛdabɛ noko bɛ nye ɛlie.

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:13

Na mɔɔ ɔhanle la le nɔhalɛ. Ɔlua ɛhye ati ɔwɔ kɛ ɛtwi bɛ nyunlu kpalɛ, amaa bɛanyia diedi mɔɔ yɛ nla la,