2 Kɔl 12:9 - BAEBOLO ANZƐƐ BULUKU NWUANZANWUANZA

⁹ Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

2 Kɔl 12:9 ပူးပေါင်းရင်းမြစ်များ

2 Arl 2:15

Nyamenle kpɔmanvolɛma asa azo mɔɔ vi Gyɛleko la nwunle ye na bɛhanle kɛ “Yilaegya sunsum ne ɛdwu Yilaehya anwo zo.” Na bɛrayiale ye na bɛbɔle bɛ ti aze bɛmanle ye.

Edwɛndolɛ Buluku ne 8:2

ngakula nee nlɔma a to a. Wɔ kpɔvolɛma ati, wɔbɔ ɛ nwo bane, amaa wɔazi wɔ kpɔvolɛ ne nee mɔɔ di nzenralɛ la aze.

Ayezaya Buluku ne 11:2

Ɛdɛnkɛma Sunsum ne bara ɔ nwo zo, ɔbanwu nrɛlɛbɛ, yeanyia ndelebɛbo, ɔbanyia anwosesebɛ, yeayɛ folɛtuvolɛ, ɔbanyia adwenle na yeazulo Ɛdɛnkɛma.

Ayezaya Buluku ne 43:2

Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 2:3

Yemɔti menvale bɛtɛɛyɛlɛ, ɛzulolɛ nee anwowozolɛ kpalɛ a me nee bɛ dɛnlanle a;

1 Kɔl 2:5

amaa bɛ diedi ne agyinla Nyamenle tumi ne azo na yeangyinla sonla nrɛlɛbɛ zo.

2 Kɔl 11:30

Saa ɔwɔ kɛ metu me nwo a, menwɔyɛ ye zɔhane wɔ ninyɛne mɔɔ kile kɛ mele bɛtɛɛ la anwo.

2 Kɔl 12:1

Ɔwɔ kɛ metu me nwo, saa nvasoɛ ɛnle zolɛ bɔbɔ a, ɔwɔ kɛ metu me nwo. Noko meka ninyɛne mɔɔ Awulae ɛlolɛ zo yemaa menwu bɛ nee mɔɔ yeye yehile me la.

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

2 Kɔl 12:15

Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

2 Kɔl 12:5

Sonla zɛhae ati yɛɛ metu me nwo a, na ɔhale medame me ngome a, anrɛɛ menrɛdu me nwo ɛlɛ, kyesɛ wɔ ninyɛne mɔɔ kile kɛ mele bɛtɛɛ la anwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

Kɛlata mɔɔ bɛhɛlɛle bɛhɔmanle Hibuluma la 11:34

bɛnluanle sendɔlɔra, yɛɛ bɛango bɛandɔ. Ɛnee bɛle bɛtɛɛ, noko bɛ nwo yɛle se; bɛ nwo yɛle ɛzulolɛ wɔ konle nu na bɛmanle nyɛvolɛ ɛlɔnema guale ndwɛlɛ aze.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”