2 Kɔl 12:20 - BAEBOLO ANZƐƐ BULUKU NWUANZANWUANZA

²⁰ Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

2 Kɔl 12:20 ပူးပေါင်းရင်းမြစ်များ

Edwɛndolɛ Buluku ne 41:7

Bɛdabɛ mɔɔ bɛkyi me la tu bɛ nwo azukue wɔ me nwo; bɛdwenle mɔɔ ɛnle kpalɛ la a bɛmaa me a.

Mrɛlɛbulɛ Buluku ne 16:28

Sonla mɔɔ ɛnlɛ adwenle kpalɛ la twehwe konle, yɛɛ azukuedulɛ kpakye agɔnwolɛma kpalɛ avinli.

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

Wulo 1:30

bɛka bɛ gɔnwo mɔ anwo edwɛkɛ ɛtane ɛtane, bɛkyi Nyamenle, bɛtu bɛ nwo, bɛyɛ mgbanyizonle, bɛkile bɛ nwo, bɛboɔboa bɛdwenle ɛtane nwo bɛyɛ, yɛɛ bɛndie bɛ awovolɛma;

Wulo 2:8

Bie mɔ noko le angomedi, bɛkpo mɔɔ le nɔhalɛ la na bɛdi ɛtane nzi. Bɛ nwo zo yɛɛ Nyamenle bawola ye ɛya kpole ne agua a.

1 Kɔl 1:11

Melɛka ɛhye, ɔluakɛ me mediema Kuloyi sua nu amra bie mɔ ɛraha ɛhile me kɛ bɛdabɛ bɛ ngome bɛpɛ bɛ nwo bɛdi butule.

1 Kɔl 14:33

ɔluakɛ Nyamenle ɛnle basabasa Nyamenle. Ɔle anzonudwolɛ Nyamenle. Kɛmɔ bɛyɛ ye wɔ Nyamenle asɔnema ne mɔ amuala anu la,

1 Kɔl 5:2

Ɛhye ɛnyɛ bɛ nyiane bɔbɔ? Bɛli nwolɛ nyane na bɛye sonla zɔhane mɔɔ ɛbɔ munzule ɛbɛla ɛhye la wɔ bɛ avinli.

2 Kɔl 1:23

Nyamenle di daselɛ, yɛɛ ɔze me ti anu! Memkpondɛ kɛ mebɔ bɛ rɛle la ati yɛɛ menyɛle me adwenle kɛ menrɛra Kɔlente a.

2 Kɔl 10:2

bɛmmayɛ bɛmaa saa meba bɛ nwo lɔ a me nee bɛ bie badi ye ɛsesebɛ, ɔboalekɛ medie me nwo medi kɛ mekola mekile bɛdabɛ mɔɔ bɛse yɛfa ewiade adwenle a yɛbɔ yɛ ɛbɛla la kɛ meyɛ se.

2 Kɔl 10:6

Na saa akee bɛkile kɛ bɛva bɛ nwo bɛmaa Kelaese bɔkɔɔ a, yɛadua awie biala mɔɔ anwo yɛ se la kakɛ wɔ ye nyɛleɛ nwo.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

2 Kɔl 13:2

Mekakye bɛdabɛ mɔɔ bɛyɛ ɛtane dɛba, nee bɛdabɛ mɔɔ bɛha la amuala kɛ, meha ye dɛba wɔ mekɛ mɔɔ membamkpɔlale bɛ mɔɔ tɔ zolɛ nwiɔ la, yɛɛ melɛka ye bieko kɛkala mɔɔ menle bɛ nwo lɔ la kɛ, saa meba a bɛ nuhua biala mɔɔ ɛyɛ ɛtane la ɛnrɛva ɔ nwo dwɔɔ.

2 Kɔl 2:1

Yemɔti menyɛle me adwenle kɛ menrɛra bɛ nwo lɔ bieko na meabɔ bɛ rɛle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:15

Na saa bɛyɛ bɛ nwo kɛ ɛbɔ nu nane, bɛkeka bɛ nwo, na bɛyɛ bɛ nwo anwula a, ɛnee noko bɛnlea boɛ na bɛanguhu bɛ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:26

Ɔnle kɛ yɛmemaa yɛ nwo zo, yɛka yɛ gɔnwo mɔ ɛya, na yɛ nye bolo bɛ.

Gyemise Kɛlata ne 4:11

Mediema Keleseɛnema, bɛmmakeha bɛ gɔnwo mɔ anwo edwɛkɛ ɛtane ɛtane. Mɔɔ ka ɔ diema anwo edwɛkɛ ɛtane anzɛɛ bua ye ndɛne la tia mɛla ne na eza ɔbua mɛla ne ndɛne. Na saa ɛbua mɛla ne ndɛne a, ɛnee ɔkile kɛ ɛnli mɛla ne azo bieko, na ɛle ye ndɛnebuavolɛ.

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.