2 Kɔl 12:2 - BAEBOLO ANZƐƐ BULUKU NWUANZANWUANZA

² Meze Kelaese ɛdoavolɛ bie mɔɔ ɛvolɛ bulu nee nna mɔɔ ɛraze ɛhɔ la, bɛvale ye bɛhɔle anwuma wɔ Nyamenle anwo lɔ la; (saa nwonane nu o, saa sunsum nu o, menze, Nyamenle a ze a.)

2 Kɔl 12:2 ပူးပေါင်းရင်းမြစ်များ

1 Arl 18:12

Kɛ metu me bo la ɛnee Nyamenle Sunsum ne ɛye wɔ ɛvi ɛke ɛhɔ ɛleka mɔɔ menze a. Ehabe ba badwu ɛke na ɛnle ɛke a, ɔbahu me. Kakye kɛ ɔvi me ngakula nu, mezonle Ɛdɛnkɛma dedee a yeradwu ɛnɛ a.

1 Arl 8:27

“Na Ɛdɛnkɛma, asoo amgba ɛbaradɛnla azɛlɛ ye azo bie? Wɔmɔ, anwuma nehane bɔbɔ le ekyi maa wɔ na sua ekyi ɛhye mɔɔ mezi la yɛɛ akee ɛkɛzo nu a.

2 Arl 2:16

Bɛzele ye kɛ, “Nea, yɛdayɛ mɔɔ yɛwɔ ɛke la yɛle menli kpukputili abulanlu. Maa yɛhɔkpondɛ ɛ menle ne. Ɔkɛyɛ kɛ Nyamenle Sunsum ne vale ye hɔle anwuma la, yehɔgyakyi ye yedo boka bie azo anzɛɛ bɔnza bie anu.” Yilaehya buale bɛ kɛ, “Kyɛkyɛ, bɛmmakɔ.”

Edwɛndolɛ Buluku ne 148:4

Bɛmɛ anwumaneamra, bɛye ye ayɛlɛ, nzule mɔɔ wɔ anwuma lɔ anwuma, bɛye ye ayɛlɛ!

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Yizikeɛle Buluku ne 11:24

Akee Nyamenle Sunsum ne vale me luale ɛnyelɛzodeɛnwunlɛ ne anu ziale rale Babelonia wɔ bɛdabɛ mɔɔ bɛhye bɛ bɛhɔ nlɔnu la avinli. Akee me nye zo tetele me.

Yizikeɛle Buluku ne 43:5

Ɛdɛnkɛma Sunsum ne kpogyale me zo, na ɔ nee me hɔle Ɛzonlenlɛ Sua ne akunlu lɔ alie ne anwo, na menwunle kɛ Ɛdɛnkɛma anyunlunyia ne ɛyi Ɛzonlenlɛ Sua ne tɛkɛɛ.

Edwɛkpa ne kɛmɔ Luku hɛlɛle la 24:51

Mɔɔ ɔyila bɛ la, ɔdele ɔ nwo ɔvile bɛ nwo [na bɛvale ye bɛhɔle anwuma.]

Dw 6:56

Sonla mɔɔ di me nwonane na ɔno me mogya la de me nu, yɛɛ medame mede ye nu.

Ɛzoanvolɛma Gyima ne 14:6

Mɔɔ ɛzoanvolɛma ne dele la, bɛyele bɛ nwo zo na bɛhɔle Lesetela nee Dɛbi mɔɔ wɔ Laekewonea maanzinli nu la nee namunamu mɔɔ zuozua ɛkɛ ne la azo

Ɛzoanvolɛma Gyima ne 22:17

“Menziale mengɔle Gyɛlusalɛm na mɔɔ mewɔ Ɛzonlenlɛ Sua ne anu melɛyɛ nzɛlɛlɛ la, me nye hɔle dɔɔnwo,

Wulo 16:10

Mebiza Apɛlizi. Ye nɔhalɛlilɛ sɔ Kelaese anye. Mebiza bɛdabɛ mɔɔ bɛwɔ Alesetobulɛse abusua nu la amuala ahye.

Wulo 16:3

Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye.

Wulo 16:7

Me gɔnwo mɔ Dwuuma nwiɔ ne mɔɔ bɛguale yɛ muala efiade, mɔɔ le Andulonaekɛse nee Dwuniase, mebiza bɛ ahye, ɛzoanvolɛma ne mɔ ze bɛ kpalɛ kpalɛ, yɛɛ bɛdoale Kelaese abo zo kolaa na meahakyi mearayɛ Kelaese ɛdoavolɛ.

Wulo 16:9

Mebiza Ɛbeenɛse mɔɔ yɛ muala a yɛyɛ Kelaese gyima ye la, nee Setakese mɔɔ ɔdaye ɔle me gɔnwo la ahye.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

2 Kɔl 13:5

Bɛnleɛnlea bɛ ahonle nu, na bɛnlea kɛ bɛtɛdɛ bɛ diedi ne anu. Bɛzɔ bɛ nwo bɛnlea; asoo bɛnnwu kɛ Kelaese Gyisɛse wɔ bɛ nu? Ɛnee kyesɛ bɛangola sɔnea ne anloa gyinla.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:22

Mekɛ ne anu ɛnee asɔnema mɔɔ wɔ Dwudiya la biala ɛnze me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:10

Yemɔti ahenle mɔɔ dwule la ɔdaye ko ne ala a ɔhɔle anwuma wɔ anwumaneamra anzi lɔ a, amaa ewiade kpokpoti anwu ye.

Mɛla 10:14

Bɛnwu ye kɛ, Ɛdɛnkɛma bɛ Nyamenle ne yɛɛ anwuma nee anwuma anwuma lɔ, nee azɛlɛ ye nee debie biala mɔɔ wɔ zolɛ la le ye ɛdeɛ a.

1 Tɛs 4:17

na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.

Yekile 1:10

Awulae kenle ne, Sunsum ne rale me nwo zo, na mendele ɛnelɛ kpole bie mɔɔ le kɛ aweɛne tendenle la kɛ ɔlɛtendɛ me nzi nehane.

Yekile 12:5

Raalɛ ne wole ralɛ nrenya, mɔɔ bava tumi kpole azie maanle maanle kɔsɔɔti a. Na bɛvale kakula ne bɛhɔmanle Nyamenle wɔ ye belemgbunli ebia kpole ne azo lɔ.

Yekile 4:2

Ɛkɛ ne ala Sunsum ne wolole me na menwunle kɛ awie de belemgbunli ebia kpole zo wɔ anwuma lɔ.