2 Kɔl 12:16 - BAEBOLO ANZƐƐ BULUKU NWUANZANWUANZA

¹⁶ Bɛdabɛ bɛze kɛ meanyɛ kpomgbolo meamkpolo bɛ kɔme, noko bɛmɛ bɛse mele kɛdɛba, na menvale mɛlɛbɛla a mengyele bɛ a.

2 Kɔl 12:16 ပူးပေါင်းရင်းမြစ်များ

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 11:20

Bɛ nye die awie biala mɔɔ yɛ bɛ kɛ ahanra, awie mɔɔ sisi bɛ, awie mɔɔ tu ɔ nloa anu na ɔkpakyekpakye bɛ nye zo la anwo.

2 Kɔl 12:13

Saa ɛye kɛ meangakyi kpomgbolo meamkpolo bɛ kɔme la ɛsie ahane a, ɛnee duzu debie kpalɛ a bɛyɛle bɛmanle asɔne ne mɔ mɔɔ ɛha, mɔɔ bɛanyɛ bɛammaa bɛmɛ a? Saa mevo bɛ wɔ ɛhye anu a, ɛnee bɛva bɛhyɛ me.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Kɔl 6:8

Bɛdi yɛ eni yɛɛ bɛgua yɛ nyunlu aze; bɛbɔ yɛ aholoba yɛɛ bɛye yɛ ayɛlɛ. Bɛbu yɛ alanema, noko yɛdi nɔhalɛ;

2 Kɔl 7:2

Bɛbuke bɛ munli nu bɛmaa yɛ; yɛtɛyɛle awie biala ɛtane, yɛtɛsɛkyele awie biala, yɛɛ yɛtɛdile awie biala amile.

1 Tɛs 2:3

Ɔluakɛ mɔɔ yɛvale yɛdole bɛ nyunlu la ɛngyi nvonleɛ bie anzɛɛ adwenle ɛtane biala azo, yɛɛ yɛando awie biala abɛla.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

1 Pit 2:3

Ɔluakɛ Nyamenle Edwɛkɛ ne se, “Bɛdabɛ bɛhola bɛnwu kɛ Awulae atiakunlu le kɛnlɛma.”