2 Kɔl 12:15 - BAEBOLO ANZƐƐ BULUKU NWUANZANWUANZA

¹⁵ Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

2 Kɔl 12:15 ပူးပေါင်းရင်းမြစ်များ

2 Sam 13:39

Na mɔɔ akee Devidi arɛle vile Amenɔn ewule ne la, ɔ nwo lɔle ɔ ra Abesalɛm.

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

Wulo 9:3

meamaa medame me mbusuafo Dwuuma la. Bɛ ti me kunlu a anrɛɛ Nyamenle ɛdua me kakɛ na yekpɔkye me yevi Kelaese anwo.

2 Kɔl 1:6

Saa yɛnwu amaneɛ a, ɛnee bɛ ngoanelielɛ nee bɛ arɛlekyekyelɛ ti ɔ; yɛɛ saa bɛkyekye yɛ rɛle a, ɛnee bɛkyekye bɛdabɛ noko bɛ rɛle, na bɛmaa bɛ anwosesebɛ, amaa bɛava abotane bɛagyinla amaneɛnwunlɛ ko ne ala mɔɔ yɛdayɛ yɛgyi bie anwo la anloa.

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

2 Kɔl 12:14

Ye fane nsa mɔɔ meboɔboa me nwo kɛ mebakpɔla bɛ la ɛne; saa meba a menrɛrakpolo bɛ kɔme, ɔluakɛ bɛdabɛ mumua ne a mekpondɛ bɛ a, na tɛ mɔɔ bɛlɛ ye la ɔ. Tɛ mralɛ a kpondɛ sie awovolɛma a, awovolɛma a kpondɛ sie mralɛ a.

2 Kɔl 12:9

Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

2 Kɔl 2:3

Ɛhye ati yɛɛ mengɛlɛle bɛ kɛlata ɛhendeɛ ne a, meangulo kɛ menwɔra na menli mɔɔ anrɛɛ kɛlielie me nye la abɔ me rɛle. Ɔluakɛ meze ye wienyi kɛ me nye die a, ɛnee bɛdabɛ noko bɛ nye ɛlie.

2 Kɔl 4:12

Ɛhye kile kɛ ewule di gyima wɔ yɛ nu, noko ngoane di gyima wɔ bɛmɛ bɛ nu.

2 Kɔl 7:2

Bɛbuke bɛ munli nu bɛmaa yɛ; yɛtɛyɛle awie biala ɛtane, yɛtɛsɛkyele awie biala, yɛɛ yɛtɛdile awie biala amile.

2 Kɔl 7:3

Menga ɛhye membu bɛ fɔlɛ, na kɛmɔ meha ye dɛba la, saa yɛde ngoane nu o, yɛwu o, yɛlɛ bɛ nwo ɛhulolɛ kpalɛ mɔɔ kile kɛ dahuu yɛle ko a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:10

Bɛsie kenle, siane, ɛlobɔ, yɛɛ ɛvolɛ mɔɔ ko biala ɛvoyia dwu a bɛdi na bɛkyi ɔ nloa a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

1 Tɛs 2:8

Ɔlua bɛ nwo ɛhulolɛ mɔɔ yɛlɛ la ati yɛanga Edwɛkpa ne mɔɔ vi Nyamenle ɛkɛ ne la angome ala yɛangile bɛ; yɛvale yɛ ɛbɛlabɔlɛ noko yɛbokale nwo. Bɛ nwo hyia yɛ somaa!

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.