2 Kɔl 12:14 - BAEBOLO ANZƐƐ BULUKU NWUANZANWUANZA

¹⁴ Ye fane nsa mɔɔ meboɔboa me nwo kɛ mebakpɔla bɛ la ɛne; saa meba a menrɛrakpolo bɛ kɔme, ɔluakɛ bɛdabɛ mumua ne a mekpondɛ bɛ a, na tɛ mɔɔ bɛlɛ ye la ɔ. Tɛ mralɛ a kpondɛ sie awovolɛma a, awovolɛma a kpondɛ sie mralɛ a.

2 Kɔl 12:14 ပူးပေါင်းရင်းမြစ်များ

Mrɛlɛbulɛ Buluku ne 11:30

Ma mɔɔ tenlenenli so la le ngoane, na sonla mɔɔ to nzaka la kuhu menli.

Mrɛlɛbulɛ Buluku ne 13:22

Sonlakpalɛ gyakyi ye nlɔnra agyadeɛ, na ɛtanenli anwonyia wɔ ɛkɛ ne maa tenlenema.

Mrɛlɛbulɛ Buluku ne 19:14

Sua nee anwonyia le agyadeɛ mɔɔ vi selɛma ɛkɛ, na yelɛ mɔɔ anye gyi ɔ ti anwo la Ɛdɛnkɛma a fa maa a.

Yizikeɛle Buluku ne 34:2

Ɔse, “Sonla ra, ka Nyamenle nrɛlaleɛ ne kile Yizilayɛ mboaneneavolɛma ne. Ka Nyamenle nrɛlaleɛ ne kile bɛ kɛ, kɛ medame Awulae Nyamenle mese la ɛne: Bɛmɛ Yizilayɛ mboaneneavolɛma mɔɔ yɛne bɛdabɛ bɛ ngome bɛ nwo a, bɛwie! Asoo mboaneneavolɛ fa mboane kɔ adidi a, tɛ yemɔ yɛɛ ɔnea mboane ne mɔ ɔmaa bɛdidi a?

Ɛzoanvolɛma Gyima ne 20:33

Me nye ambolo awie biala ezukoa nvutuke, dwɛtɛ fufule anzɛɛ ndanlɛ.

1 Kɔl 10:24

Awie biala mmadwenle ɔ ngome ye boɛyɛlɛ nwo. Bɛdwenle bɛ gɔnwo mɔ ɛdeɛ nwo.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 11:34

Saa ɛhɔne ɛlɛku bie a, ɔlumua ɔli debie wɔ sua nu, amaa bɛbayia nu a Nyamenle andea bɛ. Mɔɔ fane edwɛkɛ ne mɔ mɔɔ ɛha la anwo, meba a mebaha nwolɛ bie.

1 Kɔl 16:5

Saa mevi Masidonea a mebara bɛ nwo ɛkɛ, ɔluakɛ mekakpɔsa Masidonea maanzinli ne anu.

1 Kɔl 4:19

Saa ɔyɛ Nyamenle ɛhulolɛ a ɔnrɛhyɛ, mebara bɛ nwo lɔ na mearavedevede nu meanlea tumi mɔɔ bɛdabɛ mɔɔ bɛlɛtu bɛ nloa anu la lɛ la, na tɛ mɔɔ bɛlɛkeha la ɔ.

1 Kɔl 9:12

Saa awie mɔ bɔbɔ lɛ adenle kɛ bɛdie ɛhye wɔ bɛ lɔ a, ɛnee akee yɛmɛ ɛ? Noko yɛtɛyɛle debie zɛhae mɔ bie. Yɛkponle ninyɛne muala azo, amaa yɛandua Kelaese anwo Edwɛkpa ne ɛhanlɛ adenle.

1 Kɔl 9:18

Ɛnee akee duzu ahatualɛ a menyia ye a? Me ahatualɛ a le kɛ menwɔbɔ Edwɛkpa ne mɔɔ fane Kelaese anwo la nolo mɔɔ menlie ɛhwee, na eza menva adenle mɔɔ melɛ ye wɔ Edwɛkpa ne ɛhanlɛ nwo la menyɛ me nwo boɛ.

1 Kɔl 9:19

Mele dehelɛ, menle awie biala akɛlɛ; noko meyɛ me nwo akɛlɛ memaa awie biala, amaa me sa aha bɛ nuhua dɔɔnwo ne ala.

2 Kɔl 1:15

Adwenle ɛhye a wɔ me ti anu ɛsesebɛ mɔɔ manle menlumuale mengyehyɛle kɛ mebarakpɔla bɛ, amaa bɛanyia nyilalɛ mɔnwo la.

2 Kɔl 11:9

Mekɛ mɔɔ me nee bɛ de la, saa mekyia a mengyegye bɛ kɛ bɛboa me; mediema mɔɔ vi Masidonea rale la a rɛlɛle me debie biala mɔɔ mengyianle nwolɛ la a. Na kɛmɔ meanyɛ ye dɛba la, zɔhane ala yɛɛ menrɛva kpomgbolo biala menrɛkpolo bɛ kɔme a.

2 Kɔl 12:13

Saa ɛye kɛ meangakyi kpomgbolo meamkpolo bɛ kɔme la ɛsie ahane a, ɛnee duzu debie kpalɛ a bɛyɛle bɛmanle asɔne ne mɔ mɔɔ ɛha, mɔɔ bɛanyɛ bɛammaa bɛmɛ a? Saa mevo bɛ wɔ ɛhye anu a, ɛnee bɛva bɛhyɛ me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:17

Tɛ kɛ asɛɛ mekpondɛ nwanle la ati ɔ, na mekpondɛ kɛ mɔɔ bɛyɛ la anwo ba nvasoɛ dɔɔnwo.

1 Tɛs 2:11

Bɛdabɛ bɛnwunle kɛ yɛyɛle bɛ nuhua ko biala kɛ selɛ kɛyɛ ɔ ra la.

1 Tɛs 2:8

Ɔlua bɛ nwo ɛhulolɛ mɔɔ yɛlɛ la ati yɛanga Edwɛkpa ne mɔɔ vi Nyamenle ɛkɛ ne la angome ala yɛangile bɛ; yɛvale yɛ ɛbɛlabɔlɛ noko yɛbokale nwo. Bɛ nwo hyia yɛ somaa!