2 Kɔl 12:12 - BAEBOLO ANZƐƐ BULUKU NWUANZANWUANZA

¹² Menvale abotane kpole a menyɛle ninyɛne mɔɔ kile kɛ mele ɛzoanvolɛ la wɔ bɛ nu a; bɛnwunle sɛkɛlɛneɛ nee nwanwane ninyɛne nee gyima mɔɔ kile Nyamenle tumi ne la amuala.

2 Kɔl 12:12 ပူးပေါင်းရင်းမြစ်များ

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

1 Kɔl 14:18

Meyɛ Nyamenle mo kɛ meka aneɛ ngakyile metɛla bɛ nuhua biala a.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

2 Kɔl 11:6

Saa me nloa yɛɛ ɛtɛtele bɔbɔ a, tɛ nwoma nu ɔ; yɛɛ yɛla ɛhye ali wienyi yɛhile bɛ wɔ ndenle dɔɔnwo nee debie biala anu.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.