2 Kɔl 11:7 - BAEBOLO ANZƐƐ BULUKU NWUANZANWUANZA

⁷ Yemɔti kɛmɔ membɔle Nyamenle Edwɛkpa ne nolo mengilele bɛ mɔɔ meanlie bɛ ɛhwee, na menganle me nwo aze, amaa meamaa bɛ zo la, se ɛnee me ɛtane mɔɔ meyɛ la ɛne?

2 Kɔl 11:7 ပူးပေါင်းရင်းမြစ်များ

Ɛzoanvolɛma Gyima ne 20:33

Me nye ambolo awie biala ezukoa nvutuke, dwɛtɛ fufule anzɛɛ ndanlɛ.

Ɛzoanvolɛma Gyima ne 20:34

Bɛdabɛ bɛze kɛ medame me sa anloa gyima mɔɔ meyɛ la yɛɛ meva menlea me nwo nee me gɔnwo mɔ a.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

1 Kɔl 9:12

Saa awie mɔ bɔbɔ lɛ adenle kɛ bɛdie ɛhye wɔ bɛ lɔ a, ɛnee akee yɛmɛ ɛ? Noko yɛtɛyɛle debie zɛhae mɔ bie. Yɛkponle ninyɛne muala azo, amaa yɛandua Kelaese anwo Edwɛkpa ne ɛhanlɛ adenle.

1 Kɔl 9:6

Anzɛɛ me nee Banabase yɛ mu nwiɔ ala yɛɛ ɔwɔ kɛ yɛpele na yɛali a?

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 10:16

amaa yɛahola yɛahɔbɔ Edwɛkpa ne nolo wɔ maanle maanle fofolɛ zo na yɛanva awie gyima mɔɔ yeyɛ ye dɛba la yɛandu yɛ nwo.

2 Kɔl 12:13

Saa ɛye kɛ meangakyi kpomgbolo meamkpolo bɛ kɔme la ɛsie ahane a, ɛnee duzu debie kpalɛ a bɛyɛle bɛmanle asɔne ne mɔ mɔɔ ɛha, mɔɔ bɛanyɛ bɛammaa bɛmɛ a? Saa mevo bɛ wɔ ɛhye anu a, ɛnee bɛva bɛhyɛ me.

2 Kɔl 2:12

Mɔɔ mendwule Tulowase kɛ mekabɔ Kelaese anwo Edwɛkpa ne nolo la, menwunle kɛ Awulae ɛbuke adenle ɛmaa me kɛ menli gyima wɔ ɛkɛ.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

2 Tɛs 3:8

Yɛanli awie biala debie mɔɔ yɛandua a. Yɛyɛle gyima, yɛhwinle yɛ ti anwo alehyenlɛ nee aledwolɛ, amaa yɛanyɛ kpomgbolo yɛamkpolo awie biala akɔme.