2 Kɔl 11:31 - BAEBOLO ANZƐƐ BULUKU NWUANZANWUANZA

³¹ Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

2 Kɔl 11:31 ပူးပေါင်းရင်းမြစ်များ

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Dw 10:30

Selɛ ne nee medame yɛle ko.”

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Wulo 1:25

Bɛgyakyile kɛ bɛkɛlie nɔhalɛ ne mɔɔ fane Nyamenle anwo la bɛkɛli. Zɔhane ati bɛdie adalɛ ne bɛdi na bɛsonle ninyɛne mɔɔ Nyamenle ɛbɔ bɛ la, na bɛgyakyi Bɔvolɛ Nyamenle mumua ne, yemɔ yɛɛ ayɛlɛyelɛ ɛha ye dahuu a. Amen.

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 15:6

amaa bɛ muala kɔsɔɔti bɛava ɛnelɛ ko bɛaye yɛ Awulae Gyisɛse Kelaese ɔ ze Nyamenle ne ayɛlɛ.

Wulo 9:1

Kelaese ati nɔhalɛ kpalɛ a melɛka meahile bɛ la, membɔ adalɛ. Me adwenle nu wienyi, Sunsum Nwuanzanwuanza ne ɔdaye ɔze kɛ membɔ adalɛ,

Wulo 9:5

Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.

2 Kɔl 1:23

Nyamenle di daselɛ, yɛɛ ɔze me ti anu! Memkpondɛ kɛ mebɔ bɛ rɛle la ati yɛɛ menyɛle me adwenle kɛ menrɛra Kɔlente a.

2 Kɔl 1:3

Bɛmaa yɛyɛ Nyamenle, yɛ Awulae Kelaese Gyisɛse ɔ Ze ne, anwunvɔnezelɛ Selɛ ne nee arɛlekyekyelɛ Nyamenle ne mo.

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:20

(Nyamenle anyunlu, mɔɔ melɛka la amuala, adalɛ fee ɛnle nu.)

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14

Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne

Kɔlɔ 1:3

Dahuu yɛsɛlɛ yɛmaa bɛ, yɛyɛ Gyisɛse Kelaese ɔ Ze Nyamenle ne mo.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.