2 Kɔl 11:27 - BAEBOLO ANZƐƐ BULUKU NWUANZANWUANZA

²⁷ Meli gyima nee mgbelera dɔɔnwo; aleɛ dwo a nafelɛ ɛngɔ me nye zo; ɛhɔne nee nzuhɔne ku me; mekye ɛhɔne, ɛyɛlɛ ku me yɛɛ melɛ me nwo zɔ ɛlɛ.

2 Kɔl 11:27 ပူးပေါင်းရင်းမြစ်များ

Gyɛlɛmaya Buluku ne 38:9

“Nana, nea ɛtane kokye mɔɔ menli ɛhye mɔ ɛyɛ la. Bɛdwula Nyamenle Kpɔmanvolɛ Gyɛlɛmaya bula ne anu. Ɛhɔne bamaa yeawu ɛkɛ, ɔluakɛ aleɛ fee ɛnle suakpole ye azo.”

Edwɛkpa ne kɛmɔ Mateyu hɛlɛle la 17:21

Noko akee kyesɛ nzɛlɛlɛ nee ɛhɔnehyelɛ ala na ahola deɛ ɛhye tu.”]

Ɛzoanvolɛma Gyima ne 14:23

Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

1 Kɔl 7:5

Bɛmmabɔ bɛ nwo abolɛ, kyesɛ bɛ mu nwiɔ bɛdumua bɛkponle zolɛ kɛ bɛyɛ ye zɔhane na bɛanyia alagye bɛazɛlɛ; nzinlii bɛzia bɛyia nu bieko, amaa yeamba ye kɛ bɛangola bɛ nwo sɔ la ati Seetan azɔ bɛ anlea.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 6:5

Bɛbila yɛ mbaka, bɛgua yɛ efiade na bɛwudo yɛ bagua nu; bɛmaa yɛyɛ gyima ɛsesebɛ, yɛsi epe, yɛɛ bɛkye yɛ ɛhɔne.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:12

Meze ehyia di, meze ezukoa di. Mezukoa ɛhye mɔ ɛyɛlɛ, amaa ɛleka biala nee mekɛ biala anu, saa menyia ye medi o, meannyia ye meanli o, saa melɛ bie o, menlɛ bie o, me kunlu adwo me nwo.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

2 Tɛs 3:8

Yɛanli awie biala debie mɔɔ yɛandua a. Yɛyɛle gyima, yɛhwinle yɛ ti anwo alehyenlɛ nee aledwolɛ, amaa yɛanyɛ kpomgbolo yɛamkpolo awie biala akɔme.

Kɛlata mɔɔ bɛhɛlɛle bɛhɔmanle Hibuluma la 11:37

Bɛzile bie mɔ awolɛ, bɛvale sɛlada bɛkpakyekpakyele bie mɔ anu nwiɔ nwiɔ, [bɛzɔle dɔɔnwo bɛnleanle,] bɛvale dadeɛ bɛpepɛle bie mɔ akɔme. Bɛhedale mboane nee mbɔnkye nwoma, bɛlile ehyia, bɛlile nyane, yɛɛ bɛyɛle bɛ amumuyɛ.