2 Kɔl 11:26 - BAEBOLO ANZƐƐ BULUKU NWUANZANWUANZA

²⁶ Wɔ me adendulɛ dɔɔnwo ne mɔ anu, meyia esiane dɔɔnwo mɔɔ le kɛ azuyilɛ, ahɔdiawu, yɛɛ medame me gɔnwo mɔ Dwuuma, nee bɛdabɛ mɔɔ bɛnle Dwuuma la asa anu esiane; meyia azua mgbole zo esiane, esiane wɔ fienemgbole nu, yɛɛ meyia agɔnwolɛma adalɛ asa anu esiane.

2 Kɔl 11:26 ပူးပေါင်းရင်းမြစ်များ

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 14:5

Nzinlii bɛdabɛ mɔɔ bɛnle Dwuuma la bie mɔ nee Dwuuma bɔle nu bɛ nee bɛ mgbanyima yɛle adwenle kɛ bɛkɔ ɛzoanvolɛma ne mɔ anwo zo bɛahɔzi bɛ awolɛ.

Ɛzoanvolɛma Gyima ne 15:40

Pɔɔlo noko vale Saelɛse hɔle, na mediema ne mɔ vale Pɔɔlo wulale Awulae ɛlolɛ ne abo.

Ɛzoanvolɛma Gyima ne 17:13

Na mɔɔ Dwuuma mɔɔ wɔ Tɛsalonaeka la dele kɛ Pɔɔlo ɛhɔha Nyamenle edwɛkɛ ne wɔ Bɛlia la, bɛrale ɛkɛ ne na bɛrafutule menli ne mɔ ahonle.

Ɛzoanvolɛma Gyima ne 17:5

Ɛhye anwo akpule hunle Dwuuma ne mɔ. Yemɔti bɛsesale kpamgbanvolɛma bie bɛboɔboale bɛ nloa. Bɛmanle bɛdole nzaka wɔ suakpole ne azo toonwo bɛrale Gyeesen sua nu ɛkɛ kɛ bɛbakpondɛ Pɔɔlo nee Saelase bɛahwe bɛ bɛavinde bagua nu.

Ɛzoanvolɛma Gyima ne 18:12

Na mɔɔ bɛvale Galeyo bɛyɛle Wulomu amɛnlado mɔɔ nea Giliki maanzinli ne azo la, Dwuuma ne mɔ yɛle ko na bɛhwenle Pɔɔlo bɛhɔle kɛ ɔli ye edwɛkɛ.

Ɛzoanvolɛma Gyima ne 19:1

Mɔɔ Apɔlɔso wɔ Kɔlente la, Pɔɔlo hɔle maanzinli ne anu akpɔsa toonwo ɔravindele Ɛfɛsɛse, na ɔranwunle ɛdoavolɛma bie wɔ ɛkɛ.

Ɛzoanvolɛma Gyima ne 19:23

Mekɛ ɛhye anu ala Awulae Adenle ne ngilehilelɛ ne ati nzaka zile Ɛfɛsɛse.

Ɛzoanvolɛma Gyima ne 20:19

Wɔ Dwuuma akpamo ne mɔ mɔɔ bɛvale wɔ me ti la amuala anu, mendole me nwo aze menvale monle nee amaneɛnwunlɛ menyɛle me gyima kɛ Awulae akɛlɛ.

Ɛzoanvolɛma Gyima ne 20:3

Ɔlile siane nsa wɔ Akaya. Na mɔɔ ɔhuohuanle ɔ nwo kɛ ɔkɔ Selea la, ɔnwunle kɛ Dwuuma ne ɛhɔ ɔ ti akpamo. Yemɔti ɛkɛ ne ala ɔyɛle ye adwenle kɛ ɔpe aze yealua Masidonea yeazia.

Ɛzoanvolɛma Gyima ne 23:10

Nzinlii akee ɛdeanlɛ ne bole zolɛ na sogyama kpanyinli ne zulole kɛ bɛkɛhu Pɔɔlo la ati, ɔmanle sogyama ne mɔ dwule aze hɔle bagua ne anu hɔyele Pɔɔlo wɔ ayiama ne avinli bɛ nee ye hɔle aranemgbole ne anu bieko.

Ɛzoanvolɛma Gyima ne 25:3

ɔli ɔboa bɛ na ɔva Pɔɔlo ɔrɛla Gyɛlusalɛm, ɔluakɛ ɛnee bɛlɛ adwenle kɛ bɛtɛ ye wɔ adenle nu bɛahu ye.

Ɛzoanvolɛma Gyima ne 27:42

Sogyama ne yɛle kɛ bɛku pilizama mɔɔ wɔ ɛlɛne ne anu la amuala, amaa bie anweɛ anvo file zo na yeanriandi.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Wulo 8:35

Nwane a kɛhola kɛhwe yɛ kɛvi Kelaese ɛhulolɛ ne anwo a? Amaneɛnwunlɛ anzɛɛ anwongyelelɛ, kpɔdekpɔdeyɛlɛ anzɛɛ ɛhɔne, ehyia, anwubɛnyunlu anzɛɛ ewule?

1 Kɔl 15:30

Saa bɛndwazo mɔwuamra a, ɛnee duzu ati a menwɔva me ngoane menwɔdo nzeleba dɔnehwele biala ɛ?

1 Kɔl 15:32

Saa mele sonla ala, mɔɔ menlɛ anyelazo biala wɔ ewule nzi, yɛɛ me nee “ɛhoayelɛ nu nanemgbole” honle wɔ Ɛfɛsɛse a, ɛnee duzu nvasoɛ a menyia ye a? Saa Nyamenle ɛndwazo mɔwuamra ɛmba ngoane nu a, ɛnee kɛmɔ ɔyɛ a bie mɔ ka la, “Bɛmaa yɛli na yɛnlo, ɔluakɛ ɛhyema ɛnee yɛwu.”

2 Kɔl 11:32

Mekɛ mɔɔ mewɔ Dɛmasekɛse la, Belemgbunli Alɛtase amɛnlado ne vale sinzavolɛma gyinlegyinlanle suakpole ne nlenkɛ mgbole ne mɔ anloa kɛ bɛhye me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:4

Ɛnee adalɛma bie mɔɔ ɛyɛ bɛ nwo kɛ bɛdie Kelaese bɛdi la ɛpele ɛpe adenle bie azo ɛra ayia ne bie. Menli ɛhye mɔ rale kɛ bɛbanlea kɛ yɛmɛ mɔɔ yɛdie Kelaese Gyisɛse yɛdi la yɛ nwo ɛzi ɛdɔ yɛ la. Bɛ adwenle a le kɛ bɛmaa yɛazia yɛayɛ ahanra wɔ Dwuuma mɛla ne abo,