2 Kɔl 11:23 - BAEBOLO ANZƐƐ BULUKU NWUANZANWUANZA

²³ Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 11:23 ပူးပေါင်းရင်းမြစ်များ

Gyɛlɛmaya Buluku ne 36:5

Akee Gyɛlɛmaya zele Bɛlɛke kɛ, “Bɛdua me kɛ memmakɔ Ɛdɛnkɛma Ɛzonlenlɛ Sua ne anu bieko.

Ɛzoanvolɛma Gyima ne 14:19

Nzinlii Dwuuma bie vi Anteɔko mɔɔ wɔ Paesedea maanzinli nu nee Ayekoneɛm la rale, bɛralile menli ne anzo bɛhɔle bɛ afoa na bɛzile Pɔɔlo awolɛ bɛmanle ɔ nye zo bulule; bɛhwenle ye bɛhɔdole sua ne kandiba, ɛnee bɛdwenle kɛ yewu.

Ɛzoanvolɛma Gyima ne 20:23

mɔɔ meze la a le kɛ Sunsum Nwuanzanwuanza ne ɛhakye me wɔ sua biala azo kɛ efiadedolɛ nee esiane yɛɛ ɛlɛkendɛ me a.

Ɛzoanvolɛma Gyima ne 21:11

Ɔrale yɛ nwo ɛkɛ ne na ɔvale Pɔɔlo akyeso ne ɔkyekyele ɔdaye ɔ ngome ɔ sa nee ɔ gyakɛ na ɔhanle kɛ, “Kɛ Sunsum Nwuanzanwuanza ne se la ɛne: Sonla ne mɔɔ lɛ akyeso ɛhye la, Dwuuma bakyekye ye zɛhae wɔ Gyɛlusalɛm, na bɛava ye bɛawula bɛdabɛ mɔɔ bɛnle Dwuuma la asa anu.”

Ɛzoanvolɛma Gyima ne 25:14

Na nzinlii mɔɔ bɛlile kenle ekyi wɔ ɛkɛ ne la Fɛsetɛse hanle Pɔɔlo edwɛkɛ ne hilele belemgbunli ne kɛ, “Filekese gyakyile awie bie wɔ efiade ɛkɛ.

Ɛzoanvolɛma Gyima ne 27:1

Nzinlii mɔɔ bɛyɛle adwenle kɛ akee ɔwɔ kɛ yɛkɔ Yetale la, bɛvale Pɔɔlo nee pilizama bie mɔ mɔɔ boka nwolɛ la bɛwulale Dwuleɛse mɔɔ le sogya kpanyinli wɔ Wulomu Maanle Maanle belemgbunli ne sogyama ne anu la asa anu.

Ɛzoanvolɛma Gyima ne 28:16

Mɔɔ yɛdwule Wulomu la, bɛmanle Pɔɔlo adenle kɛ ɔdaye ɔ ngome ɔhɔdɛnla, na bɛyele sogyanli ko kɛ ɔ nee ye ɛhɔdɛnla na ɔzinza ye.

Ɛzoanvolɛma Gyima ne 28:30

Na Pɔɔlo dɛnlanle sua mɔɔ ɔde nu na ɔdaye a ɔtua ye kakɛ la anu toonwo ɛvolɛ nwiɔ. Ɔliele menli mɔɔ rale ɔ nwo ɛkɛ ne la amuala.

Ɛzoanvolɛma Gyima ne 9:16

Na medame mebahile ye amaneɛ mɔɔ ɔbanwu ye wɔ me duma nu la.”

Wulo 8:36

Nyamenle Edwɛkɛ ne se, “Bɛdabɛ bɛ ti yɛgyi ewule avinli alehyenlɛ muala; na bɛyɛ yɛ kɛ mboane mɔɔ bɛ nee bɛ ɛlɛkɔ ahunleɛ.”

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

1 Kɔl 4:1

Ɔwɔ kɛ bɛbu yɛ kɛ Kelaese sonvolɛma mɔɔ nea Nyamenle gyima ne mɔɔ vea la azo a.

1 Kɔl 4:11

Ɛnɛ nee ɛnɛ ala ɛhɔne nee nzuhɔne tɛku yɛ; yɛ adɛladeɛ ɛtete yɛ nwo, bɛbila yɛ mbaka, yɛnlɛ awuke, mgbɔsa mgbɔsa a ɛdɔ yɛ nwo a;

1 Kɔl 4:9

Ɔluakɛ ɔyɛ me kɛ Nyamenle ɛva yɛmɛ ɛzoanvolɛma ɛzie ɛkɛ, kɛ menli mɔɔ bɛbu bɛ ewule fɔlɛ na nzinlii bɛbahu bɛ bagua nu bɛahile ɛtane ewiade ye, anwuma soanvolɛma nee menli muala la.

2 Kɔl 10:7

Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

2 Kɔl 11:5

Menlie menli kɛ bɛ “ɛzoanvolɛma kpalɛ” ne mɔ tɛla me.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

2 Kɔl 4:11

Yɛ ngoane mekɛ nu amuala ewule sianle yɛ wɔ Kelaese ati, amaa menli anwu ye ngoane ne wɔ yɛ sonlabaka ɛhye ala anu.

2 Kɔl 6:9

bɛyɛ kɛ bɛnze yɛ, noko bɛ muala bɛze yɛ; bɛfa yɛ kɛ yɛwu bɔbɔ a, bɛnlea, yɛtɛte aze. Saa bɛtwi yɛ nyunlu a, bɛtɛkunle yɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:17

Ɔvi ɛnɛ mɔɔ kɔ la awie biala mmagyegye me bieko, ɔboalekɛ ahapenle mɔɔ wɔ me nwo la kile kɛ mele Kelaese Gyisɛse akɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1

Ɔlua ɛhye ati medame Pɔɔlo, mɔɔ bɛmɛ mɔɔ bɛnle Dwuuma la ati bɛhye me nuokɛ bɛmaa Kelaese Gyisɛse la, mesɛlɛ dahuu memaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:20

Edwɛkpa ne ati a mela efiade a, noko mele nwolɛ ɛbɔfoɔ. Bɛzɛlɛ kɛ menwɔva akɛnrasesebɛ menwɔha Edwɛkpa ne kɛmɔ ɔfɛta la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:13

ɛmaa ɔlua zo suakunlu sinzavolɛma ne mɔ amuala nee bɛdabɛ mɔɔ ɛha la amuala ɛnwu ye kɛ Kelaese ati a mela efiade a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

1 Tɛs 3:2

na yɛazoa adiema Temɔte mɔɔ nee yɛ yɛ Nyamenle gyima ye, yɛka Edwɛkpa ne mɔɔ fane Kelaese anwo la. Yɛzoanle ye kɛ ɔramaa bɛ anwosesebɛ na ɔboa bɛ wɔ bɛ diedi nu,

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

2 Tem 1:16

Awulae ɛnwu Onɛsefɔlɛse awuke nu amra anwunvɔne, ɔboalekɛ ɔkyekyele me rɛle mekɛ dɔɔnwo ne ala. Yeanyɛ ye nyiane kɛ mela efiade a.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

2 Tem 2:9

Na Edwɛkpa ɛhye ati yɛɛ melɛnwu amaneɛ na bɛgua me nwɔnzɔnwɔnzɔ kɛ asɛɛ medo mɛla bie la. Nyamenle edwɛkɛ ne ɛdeɛ bɛtɛguale ye nwɔnzɔnwɔnzɔ.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:9

na ɛ nwo ɛhulolɛ ti, mebazɛlɛ wɔ. Mame a mele Pɔɔlo mɔɔ megyi Kelaese Gyisɛse agyakɛ anu, na kɛkala ɔlua ɔ ti mela efiade la, noko akee mebiza ɛhye.

Kɛlata mɔɔ bɛhɛlɛle bɛhɔmanle Hibuluma la 10:34

Bɛ nee menli mɔɔ bɛguale bɛ efiade la lile nyane, yɛɛ mɔɔ bɛzale bɛ bɛliele bɛ nwo ninyɛne bɔbɔ la, yeanvane bɛ nwo fee, ɔboalekɛ ɛnee bɛze kɛ bɛlɛ ninyɛne kpalɛ mɔɔ ɛnzɛkye ɛlɛ la wɔ ɛkɛ.