2 Kɔl 11:22 - BAEBOLO ANZƐƐ BULUKU NWUANZANWUANZA

²² Saa bɛle Hibuluma a, medame mele Hibulunli. Saa bɛle Yizilayɛma a, medame mele Yizilayɛnli. Saa bɛle Ebileham nlɔnra a, medame mele Ebileham anlɔnra.

2 Kɔl 11:22 ပူးပေါင်းရင်းမြစ်များ

2 Edk 20:7

O yɛ Nyamenle, ɛdawɔ yɛɛ ɛvoanle menli mɔɔ ɛnee de azɛlɛ ye azo la ɛvile Yizilayɛma anyunlu, na ɛvale azɛlɛ ne ɛmanle ɛ gɔnwo Ebileham abo zo amra bɔkɔɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:18

“Me menli ne badie ɛ ne; na ɛdawɔ nee Yizilayɛ mgbanyima bahɔ Yigyibiti belemgbunli ne ɛkɛ bɛahɔze ye kɛ, ‘Ɛdɛnkɛma, Hibuluma Nyamenle ne nee yɛ ɛyɛ nyianu, yemɔti yɛsɛlɛ wɔ, maa yɛ adenle maa yɛdia kenle nsa adenle yɛhɔ fienemgbole ne anu, amaa yɛabɔ azu yɛamaa Ɛdɛnkɛma, yɛ Nyamenle ne.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:3

Mosisi nee Aalɔn buale kɛ, “Hibuluma Nyamenle ne nee yɛ ɛyɛ nyianu; yɛsɛlɛ wɔ, maa yɛ adenle maa yɛdia kenle nsa adenle yɛhɔ fienemgbole ne anu yɛhɔbɔ azu yɛmaa Ɛdɛnkɛma yɛ Nyamenle ne, anrɛɛ ɔkɛde ewule ɔkɛkponde yɛ nwo ɔkɛhu yɛ anzɛɛ ɔkɛhwe yɛ nwo dadeɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:16

Na se ye kɛ, ‘Ɛdɛnkɛma, Hibuluma Nyamenle ne zoanle me manle membanzele wɔ kɛ: Maa me menli ne ɛhɔ, amaa bɛazonle me wɔ fienemgbole ne anu, na sumunli kɛ de la, wɔduodua ɛ nzo.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:1

Akee Ɛdɛnkɛma zele Mosisi kɛ, “Kɔ belemgbunli ne ɛkɛ kɔze ye kɛ, ‘Kɛ Ɛdɛnkɛma, Hibuluma Nyamenle ne se la ɛne: Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:13

Eza Ɛdɛnkɛma zele Mosisi kɛ, “Dwazo nwonlomɔ mangyee ne kɔ belemgbunli ne anyunlu kɔze ye kɛ, ‘Kɛ Ɛdɛnkɛma, Hibuluma Nyamenle ne se la ɛne: Maa me menli ne ɛhɔ, amaa bɛazonle me.

Edwɛkpa ne kɛmɔ Mateyu hɛlɛle la 3:9

Bɛmmadwenle bɛka kɛ, ‘Yɛmɛ yɛ nlenya a le Ebileham.’ Meka meahile bɛ kɛ Nyamenle kola maa awolɛ ɛhye mɔ dwazo yɛ Ebileham nlɔnra.

Ɛzoanvolɛma Gyima ne 22:3

“Mele Dwuunli, bɛwole me wɔ Taasɛse mɔɔ wɔ Selesea maanle nu la. Bɛtetele me wɔ Gyɛlusalɛm ɛke wɔ nwomanli Gameeleɛle sukulu ne anu. Menzukoale yɛ nlenya mɔ mɛla ne nee amaamuo ne kpalɛ, na mendule me nwo memanle Nyamenle, kɛmɔ kɛkala bɛde la.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Wulo 11:1

Ɛnee akee mebiza kɛ, se ɛnee Nyamenle ɛkpo ye menli ne o? Ɔnle zɔhane fee! Medame, mele Yizilayɛnli, Ebileham anlɔnra mɔɔ vi Bɛngyaman abusua nu.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:16

Nyamenle bɔle ɛwɔkɛ ne manle Ebileham nee ye anlɔnra. Nyamenle Edwɛkɛ ne ɛnga kɛ “ye nlɔnra,” mɔɔ kile kɛ nlɔnra ne mɔ zonle a. Ɔse “ye anlɔnra,” mɔɔ kile anlɔnra kokye, na anlɔnra ɛhye, yemɔ a le Kelaese.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:5

Menlile dapɛne ko ala la yɛɛ bɛyɛle me mrenyanu nzonlɛ a. Bɛwole me Yizilayɛnli, mevi Bɛngyaman abusua nu yɛɛ mele Hibulunli tɛnyetɛnye, egya nee ɔmɔ le Hibuluma, yɛɛ ɔba mɛla ne anwo edwɛkɛ a, mele Falasiinli.