2 Kɔl 11:20 - BAEBOLO ANZƐƐ BULUKU NWUANZANWUANZA

²⁰ Bɛ nye die awie biala mɔɔ yɛ bɛ kɛ ahanra, awie mɔɔ sisi bɛ, awie mɔɔ tu ɔ nloa anu na ɔkpakyekpakye bɛ nye zo la anwo.

2 Kɔl 11:20 ပူးပေါင်းရင်းမြစ်များ

Ayezaya Buluku ne 50:6

Mengakyile me nzi memanle menli mɔɔ bo me la, menvale me kɛsa memanle bɛdabɛ mɔɔ bɛdudule me kɛsa la; mɔɔ bɛtoto me nyunlu nyɛlɛ, bɛgua me nyunlu aze la, meanva me nyunlu meanvea.

Gyɛlɛmaya Awolɛyelɛ 3:30

ɔmaa bɛbo ye bɛdua ye ɛzunlɛ, na ɔli ye aholoba ne ɔ kunlu.

Edwɛkpa ne kɛmɔ Maake hɛlɛle la 12:40

Bɛbɛlɛbɛla ahunlanvolɛ mraalɛ bɛbɔ bɛ awuke ne mɔ na bɛakpati bɛayɛ nwolɛ nzɛlɛlɛ ndendenle. Bɛ ndeanlɛ bayɛ kpole kpalɛ!”

Edwɛkpa ne kɛmɔ Luku hɛlɛle la 6:29

Saa awie bɔ ɛ nzo ko anu a, kakyi ko ne noko maa ɔbɔ nu. Saa awie die wɔ anwuma tɛladeɛ ne a, fa bubu ne noko maa ye.

1 Kɔl 4:11

Ɛnɛ nee ɛnɛ ala ɛhɔne nee nzuhɔne tɛku yɛ; yɛ adɛladeɛ ɛtete yɛ nwo, bɛbila yɛ mbaka, yɛnlɛ awuke, mgbɔsa mgbɔsa a ɛdɔ yɛ nwo a;

2 Kɔl 1:24

Tɛ kɛ asɛɛ yɛkile bɛ debie mɔɔ ɔwɔ kɛ bɛdie bɛdi la ɔ, ɔluakɛ bɛlɛ diedi ne anu kpundii. Yɛ nee bɛ a ɛlɛyɛ gyima ne a wɔ bɛ kpalɛyɛlɛ ti.

2 Kɔl 10:5

yɛgologolo debie biala mɔɔ bɛkɛmaa ye zo adubɛnwo nu bɛkɛtia Nyamenle anwo adwenlenubukelɛ la, yɛɛ yɛkye adwenle biala nuokɛ yɛbele ye yɛmaa ɔtie Kelaese.

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

2 Kɔl 12:16

Bɛdabɛ bɛze kɛ meanyɛ kpomgbolo meamkpolo bɛ kɔme, noko bɛmɛ bɛse mele kɛdɛba, na menvale mɛlɛbɛla a mengyele bɛ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:4

Ɛnee adalɛma bie mɔɔ ɛyɛ bɛ nwo kɛ bɛdie Kelaese bɛdi la ɛpele ɛpe adenle bie azo ɛra ayia ne bie. Menli ɛhye mɔ rale kɛ bɛbanlea kɛ yɛmɛ mɔɔ yɛdie Kelaese Gyisɛse yɛdi la yɛ nwo ɛzi ɛdɔ yɛ la. Bɛ adwenle a le kɛ bɛmaa yɛazia yɛayɛ ahanra wɔ Dwuuma mɛla ne abo,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:25

Yemɔti Heega gyi ɛkɛ maa Boka Saenae mɔɔ wɔ Areleebea la, na yemɔ a le ɛnɛ mekɛ ye suakpole Gyɛlusalɛm. Ɔ nee menli mɔɔ wɔ zolɛ la amuala wɔ akɛlɛ ɛzonlenlɛ bo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:3

Zɔhane ala yɛɛ yɛdayɛ noko yɛde a; mɔɔ ɛnee yɛle ngakula wɔ sunsum nu la yɛyɛle ngakula yɛmanle ewiade ye anu tumi muala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:10

Melɛ diedi wɔ Awulae anu kɛ bɛnrɛnyia adwenle fofolɛ biala kɛ me ɛdeɛ ne ala. Na ahenle holɛ ko mɔɔ ɔdaye ɔse ɔkɛgyegye bɛ la, Nyamenle badua ye kakɛ!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:12

Menli mɔɔ ɛlɛka ye ndinlizo kɛ bɛyɛ bɛ mrenyanu nzonlɛ la kulo kɛ bɛkile bɛ nwo ala kɛ bɛze amaamuo. Bɛyɛ bie zɔhane ala, amaa awie anyɛ bɛ kpɔdekpɔde kɛ bɛlɛka Kelaese ewule mɔɔ ɔwule meanubaka ne azo la anwo edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.