2 Kɔl 11:2 - BAEBOLO ANZƐƐ BULUKU NWUANZANWUANZA

² Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

2 Kɔl 11:2 ပူးပေါင်းရင်းမြစ်များ

Ayezaya Buluku ne 54:5

Ɔluakɛ ɛ hu a le wɔ Bɔvolɛ ne, ye duma a le Tumivolɛ Ɛdɛnkɛma; Yizilayɛ Nwuanzanwuanza Ko ne a le wɔ Kpɔnevolɛ ne, bɛfɛlɛ ye ewiade amuala Nyamenle.

Yizikeɛle Buluku ne 44:22

Ɔnle kɛ sɛlɛvolɛ gya kunlanvolɛ anzɛɛ raalɛ mɔɔ ɛbɔ ewole la. Ɔwɔ kɛ sɛlɛvolɛ biala gya raalɛ mɔɔ ɛnze nrenya fee na ɔle Yizilayɛnli la anzɛɛ kunlanvolɛ raalɛ mɔɔ ɛnee ɔ hu le sɛlɛvolɛ la.

Dw 3:29

Atɔfolɛ nrenya ne a le mɔɔ gya atɔfolɛ ne la, saa atɔfolɛ nrenya ne agɔnwo ne mɔɔ gyi ahane la te atɔfolɛ nrenya ne ane a, ɔ nye die. Me fɛlɛkolilɛ ne, ye munlililɛ kɛ de la ɛne.

Wulo 7:4

Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle.

1 Kɔl 4:15

Saa Kelaese ati bɛlɛ adanedivolɛma apenle bulu bɔbɔ a, bɛnwu ye kɛ bɛ ze kokye. Ɔlua Edwɛkpa ne mɔɔ menvale membɛlɛle bɛ la ati, merayɛ bɛ ze wɔ Kelaese ati.

2 Kɔl 4:14

Yɛze kɛ Nyamenle mɔɔ dwazole Awulae Gyisɛse rale ngoane nu la badwazo yɛ aboka Gyisɛse anwo, na yeava yɛ nee bɛ yeahɔ ɔ nyunlu ɛkɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:11

Ɔyɛ me kɛ bɛmaa mevɛ mgbane!

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8

Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

1 Tɛs 2:11

Bɛdabɛ bɛnwunle kɛ yɛyɛle bɛ nuhua ko biala kɛ selɛ kɛyɛ ɔ ra la.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.