2 Kɔl 11:15 - BAEBOLO ANZƐƐ BULUKU NWUANZANWUANZA

¹⁵ Yemɔti ɔnyɛ ɛzulolɛ kɛ Seetan sonvolɛma kɛhakyi bɛ nwo kɛ bɛle Nyamenle sonvolɛma kpalɛ a. Bɛbanyia ninyɛne mɔɔ bɛyɛ la anwo ahatualɛ mɔɔ fɛta la wɔ awieleɛ ne.

2 Kɔl 11:15 ပူးပေါင်းရင်းမြစ်များ

2 Arl 5:13

Na ye sonvolɛma ne mɔ hɔle ɔ nwo ɛkɛ ne na bɛzele ye kɛ, “Yɛmenle, saa Nyamenle kpɔmanvolɛ ne zele wɔ kɛ ɛyɛ debie ɛsesebɛ bie a anrɛɛ ɛnrɛyɛ ɔ? Duzu ati yɛɛ akee ɛnrɛhɔdɔ Azule ne anu fane nsuu ne na ɛnrɛde kpɔkɛ ɛ?”

Gyɛlɛmaya Buluku ne 29:32

medame Ɛdɛnkɛma, mebadea Nihɛlamenli Hyɛmaya nee ɔ bo zo amra. Ɔ nwo sonla ɛnrɛdɛnla aze na ɔ nye anwu kɛ mebazi meamaa me menli ne akpazi la, ɔboalekɛ yeha yehile menli ne kɛ bɛde me nwo atua. Medame Ɛdɛnkɛma a mese a.’ ”

Gyɛlɛmaya Buluku ne 5:31

Nyamenle kpɔmanvolɛma bɔ adalɛ, yɛɛ sɛlɛvolɛma yɛ mɔɔ Nyamenle kpɔmanvolɛma kɛze bɛ la. Me menli ne die mɔɔ bɛka la to nu; bɛmkpo kɛ bɛnrɛyɛ ye zɔhane, na saa awieleɛ ne ba a duzu a bɛkɛyɛ a?”

Yizikeɛle Buluku ne 13:22

“Bɛva bɛ adalɛ ne mɔ bɛbɔ menli mɔɔ di boɛ, na mengulo kɛ bɛ nwo bu ɛbonle la arɛle; bɛzi amumuyɛnli ne adua bɛammaa yeangakyi ye ɛbɛla ɛtane ne yeanlie ɔ nwo ngoane.

Ɛzoanvolɛma Gyima ne 13:10

na ɔzele ye kɛ, “Wɔmɔ Abɔnsam ara, ɛle debie kpalɛ biala kpɔvolɛ. Amumuyɛ ɛyi wɔ tɛkɛɛ, yɛɛ dahuu ɛbɔ adalɛ wɔ Awulae adenle kpalɛ ne anwo.

Wulo 2:6

Ɔluakɛ Nyamenle badua awie biala kakɛ, kɛmɔ ye gyima de la.

Wulo 3:8

Duzu ati yɛɛ bɛnga kɛ, “Bɛmaa yɛli ɛtane amaa kpalɛ ara ɛ?” Nɔhalɛ, ɛzonle mɔɔ menli ne bie mɔ ɛva ɛdo yɛ nwo zo la ɛne. Na bɛdabɛ bɛ munzule doa bɛ!

1 Kɔl 9:11

Yɛlua sunsum nu ma wɔ bɛ nu, na saa yɛnyia nvasoɛ wɔ ninyɛne nu yɛfi bɛ ɛkɛ ne a, ɛnee ɔnle ɛtane.

2 Kɔl 11:13

Menli zɔhane mɔ le ɛzoanvolɛma alane mɔɔ adalɛ gyima a bɛyɛ a; bɛhakyi bɛ nwo kɛ asɛɛ bɛle Kelaese ɛzoanvolɛma!

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 3:9

Saa ɛzonlenlɛ mɔɔ maa bɛbu menli ewule fɔlɛ la yɛle anyunlunyia a, ɛnee Nyamenle Sunsum ne ɛzonlenlɛ mɔɔ maa bɛbu menli benle la le anyunlunyia kpole kpalɛ mɔɔ bo zolɛ a!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 9:11

Bɛlɛ belemgbunli mɔɔ nea bɛ nwo zo a. Yemɔ a le azɛlɛ kuma ne mɔɔ ɛnlɛ ɔ bo la soanvolɛ ne. Ye duma wɔ Hibulu nu a le “Abadɔn.” Giliki nu noko a, bɛfɛlɛ ye “Apɔleɔn”