2 Kɔl 11:12 - BAEBOLO ANZƐƐ BULUKU NWUANZANWUANZA

¹² Mebahɔ zolɛ meayɛ mɔɔ melɛyɛ ye kɛkala la, amaa ɛzoanvolɛma zɔhane mɔ annyia kpɔkɛ angyinla zolɛ andu bɛ nwo kɛ bɛyɛ bɛ gyima, kɛmɔ yɛyɛ ye la.

2 Kɔl 11:12 ပူးပေါင်းရင်းမြစ်များ

Dwobu Buluku ne 23:13

“Ɔngakyi ɛlɛ; nwane a kɛhola kɛhakyi ye adwenle a? Ɔyɛ mɔɔ ɔdaye ɔkulo la.

Edwɛkpa ne kɛmɔ Mateyu hɛlɛle la 26:16

Na ɔvi mekɛ ne anu Dwudase bɔle ɔ bo kɛ ɔkpondɛ adenle yealua zo yeaye Gyisɛse yeamaa.

1 Kɔl 5:6

Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

1 Kɔl 9:12

Saa awie mɔ bɔbɔ lɛ adenle kɛ bɛdie ɛhye wɔ bɛ lɔ a, ɛnee akee yɛmɛ ɛ? Noko yɛtɛyɛle debie zɛhae mɔ bie. Yɛkponle ninyɛne muala azo, amaa yɛandua Kelaese anwo Edwɛkpa ne ɛhanlɛ adenle.

2 Kɔl 1:17

Yemɔti ngyehyɛlɛ ɛhye mɔɔ menyɛle la kile kɛ mele sonla mɔɔ meka a menyɛ ɔ? Anzɛɛ meyɛ me ngyehyɛlɛ kɛ adalɛ sonla bie mɔɔ meka kɛ “ɛhɛe” a ɛnee mekile “kyɛkyɛ” ɔ?

2 Kɔl 10:17

Nyamenle Edwɛkɛ ne se, “Awie biala mɔɔ kpondɛ kɛ ɔmemaa ɔ nwo zo la ɛyɛ ye zɔ wɔ debie mɔɔ Awulae ɛyɛ la anwo.”

2 Kɔl 11:18

Kɛmɔ dɔɔnwo ne ala fa ewiade ye anu ninyɛne tu bɛ nwo la, medame noko metu me nwo bie.

2 Kɔl 11:9

Mekɛ mɔɔ me nee bɛ de la, saa mekyia a mengyegye bɛ kɛ bɛboa me; mediema mɔɔ vi Masidonea rale la a rɛlɛle me debie biala mɔɔ mengyianle nwolɛ la a. Na kɛmɔ meanyɛ ye dɛba la, zɔhane ala yɛɛ menrɛva kpomgbolo biala menrɛkpolo bɛ kɔme a.

2 Kɔl 5:12

Tɛ kɛ asɛɛ yɛkulo kɛ yɛkanvo yɛ nwo yɛkile bɛ bieko ɔ, na yɛlɛbɔ mɔdenle kɛ bɛkɛva yɛ bɛkɛdu bɛ nwo, na bɛahola bɛanyia edwɛkɛ bɛaha bɛahile bɛdabɛ mɔɔ bɛfa menli gyinlabelɛ a bɛtu bɛ nloa anu na bɛnva bɛ subane a bɛtu bɛ nloa anu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:7

Nɔhalɛ, Edwɛkpa fofolɛ bieko ɛnle ɛkɛ mɔɔ vi Nyamenle ɛkɛ, kɛ mɔɔ meha mehile bɛ la ala. Menwu kɛ awie mɔ ɛlɛgyegye bɛ azɛkye bɛ adwenle, na bɛahakyi Edwɛkpa ne mɔɔ fane Kelaese anwo la.

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.