2 Kɔl 11:1 - BAEBOLO ANZƐƐ BULUKU NWUANZANWUANZA

¹ Me kunlu a anrɛɛ saa mele kɔnwɔne bɔbɔ a, bɛkɛva me zɔ. Mebodo bɛ, bɛyɛ ye zɔhane.

2 Kɔl 11:1 ပူးပေါင်းရင်းမြစ်များ

2 Arl 5:3

Kenle ko kakula bɛlɛra ne zele ɔ menle raalɛ ne kɛ, “Saa me menle kɛhɔ Nyamenle kpɔmanvolɛ ne mɔɔ wɔ Samɛlea la anwo lɔ a, anrɛɛ ɔbayɛ ye kokobɛ ne ayile.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29

Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Ɛzoanvolɛma Gyima ne 18:14

Pɔɔlo yɛle kɛ ɔsa ɔ ne la, Galeyo zele Dwuuma ne mɔ kɛ, “Saa edwɛkɛ ɛhye yɛle debie mɔɔ tia mɛla anzɛɛ fane nyɛleɛ ɛtane bie anwo a anrɛɛ menwɔdie.

Ɛzoanvolɛma Gyima ne 26:29

Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 3:18

Awie biala mmabɛlɛbɛla ɔ nwo. Saa bɛ nuhua bie dwenle kɛ ɔle ewiade ɛhye anu nrɛlɛbɛvolɛ a, ɛnee ɔyɛ ɔ nwo kɔnwɔne na yeanwu nrɛlɛbɛ kpalɛ.

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

1 Kɔl 4:8

Bɛ sa ɛdɔ bɛ kunlu! Bɛnyia bɛ nwo bɛwie! Bɛhoane yɛ nwo bɛyɛ arelemgbunli! Me kunlu bɔbɔ a anrɛɛ bɛle arelemgbunli amgba, amaa yɛ nee bɛ ali bɛ mbia ne mɔ.

2 Kɔl 11:19

Bɛmɛ bɛdabɛ, bɛ nrɛlɛbɛ somasoma ti, bɛ nye die kɔnwɔnema anwo.

2 Kɔl 11:21

Ɔyɛ me nyiane kɛ melɛka kɛ yɛyɛle foanvoanle na yɛangola ɛhye mɔ bie yɛ a. Na saa awie kola fa debie tu ɔ nwo a ɛnee kɛmɔ melɛtendɛ kɛ kɔnwɔne la, medame noko mekola bie yɛ.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 5:13

Asoo yɛzɛ? Saa yɛzɛ a, ɛnee Nyamenle ati ɔ, yɛɛ saa yɛ adwenle la ɛkɛ ne a, ɛnee ɔla ɛkɛ ɔmaa bɛmɛ.

Kɛlata mɔɔ bɛhɛlɛle bɛhɔmanle Hibuluma la 5:2

Kɛmɔ ɔdaye mumua ne ɔtɔ sinli wɔ ndenle dɔɔnwo anu la ati, ɔmaa ɔ nee bɛdabɛ mɔɔ bɛnze nwolɛ bie na bɛvo la di ye bɛtɛɛ.

Dwɔhyua Buluku ne 7:7

Na Dwɔhyua hanle kɛ, “O, Awulae Nyamenle! Duzu ati yɛɛ wɔva yɛ wɔra azule Dwɔdan ye anzi ɛke, na wɔye yɛ wɔmaa Amɔlema kɛ bɛhu yɛ ɛ? Duzu ati yɛɛ yɛandɛnla Dwɔdan ne anzi lɔ a?