2 Kɔl 10:7 - BAEBOLO ANZƐƐ BULUKU NWUANZANWUANZA

⁷ Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

2 Kɔl 10:7 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Dw 7:24

Anrɛɛ bɛmmanea sonla nyunlu bɛbua ye ndɛne, bɛbua ndɛne wɔ ye adenle zo.”

1 Kɔl 1:12

Mɔɔ mekpondɛ meaha la a le kɛ asolo bɛ nuhua ko biala nee ye edwɛkɛ. Mɔɔ ko se “Mewɔ Pɔɔlo afoa la”, ɛnee bie se, “Mewɔ Apɔlɔso afoa.” Bie se, “Mewɔ Pita afoa,” ɛnee bie noko se, “Mewɔ Kelaese afoa.”

1 Kɔl 14:37

Saa bɛ nuhua bie bu ɔ nwo kɛ ɔle Nyamenle kpɔmanvolɛ, anzɛɛ ɔlɛ sunsum nu ahyɛlɛdeɛ a ɛnee ɔlie ɔdo nu kɛ mɔɔ melɛkɛlɛ la vi Awulae ɛkɛ.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

1 Kɔl 3:23

yɛɛ bɛle Kelaese ɛdeɛ, yɛɛ Kelaese le Nyamenle ɛdeɛ.

1 Kɔl 9:1

Menle dehelɛ ɔ? Menle ɛzoanvolɛ ɔ? Metɛnwunle yɛ Awulae Gyisɛse ɔ? Na tɛ bɛmɛ a Awulae ati bɛle me sa anloa gyima a?

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 11:18

Kɛmɔ dɔɔnwo ne ala fa ewiade ye anu ninyɛne tu bɛ nwo la, medame noko metu me nwo bie.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

2 Kɔl 12:11

Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.

2 Kɔl 13:3

Bɛkɛnwu kɛ amgba Kelaese dua me nwo zo tendɛ. Ɔ nee bɛ bali ye ɛsesebɛ na bɛanwu kɛ ɔnle bɛtɛɛ na ɔlɛ tumi.

2 Kɔl 5:12

Tɛ kɛ asɛɛ yɛkulo kɛ yɛkanvo yɛ nwo yɛkile bɛ bieko ɔ, na yɛlɛbɔ mɔdenle kɛ bɛkɛva yɛ bɛkɛdu bɛ nwo, na bɛahola bɛanyia edwɛkɛ bɛaha bɛahile bɛdabɛ mɔɔ bɛfa menli gyinlabelɛ a bɛtu bɛ nloa anu na bɛnva bɛ subane a bɛtu bɛ nloa anu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:29

Saa bɛle Kelaese ɛdeɛ a, ɛnee bɛle Ebileham nlɔnra mɔɔ asa baha Nyamenle ahyɛlɛdeɛ ne mɔɔ ɔvale ɔbɔle ɛwɔkɛ ne la a.

1 Dw 4:6

Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”