2 Kɔl 10:4 - BAEBOLO ANZƐƐ BULUKU NWUANZANWUANZA

⁴ Tɛ ewiade konle ninyɛne a yɛfa yɛko a; Nyamenle konle ninyɛne mɔɔ tumi wɔ nu la a yɛfa yɛbubu aranemgbole ne mɔ a. Yɛsɛkye kpolerazulɛ mgbane mgbane;

2 Kɔl 10:4 ပူးပေါင်းရင်းမြစ်များ

Edwɛndolɛ Buluku ne 110:2

Ɛdɛnkɛma bamaa wɔ belemgbunli kpɔma kpole ne vi Zayɔn ara. Ɔse, “Di wɔ kpɔvolɛma anwo zo belemgbunli.”

Ayezaya Buluku ne 30:25

Azudenle bazenze awoka mgbole nee ngyikyi zo wɔ mekɛ mɔɔ bɛbahu bɛ kpɔvolɛma ne, bɛabubu bɛ tawa ne mɔ bɛagua la.

Gyɛlɛmaya Buluku ne 1:10

Ɔvi ɛnɛ kenle ye, memaa wɔ tumi wɔ maanle maanle nee arelemgbunli nwo zo kɛ ɛdudu na ɛbubu bɛ ɛgua, ɛzɛkye bɛ na ɛvuandi bɛ ɛgua, kɛ ɛkyekye na ɛlua.”

Gyɛlɛmaya Buluku ne 23:29

Ɛdɛnkɛma se, “Me edwɛkɛ ne le senle, ɔle kɛ hamenle mɔɔ bɛfa bɛkpukekpuke bodane la.

Ɛzoanvolɛma Gyima ne 7:22

Bɛhilehilele ye Yigyibiti nrɛlɛbɛ nee ye amaamuo ne amuala. Na ɔnyinle ɔyɛle sonlakpole wɔ edwɛkɛhanlɛ nee nyɛleɛ nu.

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

1 Kɔl 2:5

amaa bɛ diedi ne agyinla Nyamenle tumi ne azo na yeangyinla sonla nrɛlɛbɛ zo.

1 Kɔl 9:7

Sogyanli boni a wɔ konle nloa na ɔdaye ɔ ngome ɔdi ɔ nloa anu ndɔnie a? Nwane a ɛyɛ vanye egyinli na ɔnli vanye ma ne bie a? Nwane a nea nyɛmoa na ɔnno bɛ nyɛfonzule ne bie a?

2 Kɔl 10:8

Ɔnyɛ me nyiane kɛ metu me nwo somaa wɔ tumi ne mɔɔ Awulae ɛva ɛmaa yɛ la anwo a, ɔluakɛ Awulae anva ammaa yɛ kɛ yɛva yɛzɛkye bɛ, ɔse yɛva yɛnlea yɛmaa bɛkpazi.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

2 Kɔl 6:7

yɛ nɔhalɛ nrɛlaleɛ ne, nee Nyamenle tumi ne azo yɛla yɛ nwo ali yɛhile kɛ yɛle Nyamenle sonvolɛma. Pɛlepɛlelilɛ a le yɛ konle dadeɛ mɔɔ yɛfa yɛko na yɛfa yɛpepɛ yɛdie yɛ nwo a.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

2 Tem 2:3

Ɛdawɔ noko nwu wɔ afoa nu amaneɛ ɛdeɛ, kɛ ɛle Kelaese Gyisɛse sogyanli kpalɛ mɔɔ di nɔhalɛ a.

Kɛlata mɔɔ bɛhɛlɛle bɛhɔmanle Hibuluma la 11:30

Diedi zo yɛɛ Yizilayɛma luale bɔle suakpole Gyɛleko bane ne mgbɔlɔka dedee kenle nsuu manle ɔgolole ɔguale a.

Dwɔhyua Buluku ne 6:20

Zɔhane ati sɛlɛvolɛma ne bɔle bɛ aweɛne ne mɔ anu. Menli ne dele ala la, bɛdeanle nu kpole ko, ɛnee bane ne mɔɔ bɛhye ye suakpole ne anwo la ɛde ɛgua aze, gɔɔ. Na Yizilayɛ ɛlɔnema ne nyianle adenle hɔle suakpole ne azo na bɛhonle bɛvale.