2 Kɔl 10:3 - BAEBOLO ANZƐƐ BULUKU NWUANZANWUANZA

³ Ɔle nɔhalɛ kɛ yɛde ewiade ye anu ɛdeɛ, noko tɛ ewiade ye konle a yɛlɛko a.

2 Kɔl 10:3 ပူးပေါင်းရင်းမြစ်များ

Wulo 7:5

Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule.

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

Wulo 8:4

Nyamenle yɛle ɛhye, amaa yɛdayɛ mɔɔ yɛde Nyamenle Sunsum ne anu na yɛnde nwonane nu la, mɛla ne ngyehyɛlɛ fɔɔnwo ne ali munli wɔ yɛ nu.

2 Kɔl 1:17

Yemɔti ngyehyɛlɛ ɛhye mɔɔ menyɛle la kile kɛ mele sonla mɔɔ meka a menyɛ ɔ? Anzɛɛ meyɛ me ngyehyɛlɛ kɛ adalɛ sonla bie mɔɔ meka kɛ “ɛhɛe” a ɛnee mekile “kyɛkyɛ” ɔ?

2 Kɔl 10:4

Tɛ ewiade konle ninyɛne a yɛfa yɛko a; Nyamenle konle ninyɛne mɔɔ tumi wɔ nu la a yɛfa yɛbubu aranemgbole ne mɔ a. Yɛsɛkye kpolerazulɛ mgbane mgbane;

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.