2 Kɔl 10:2 - BAEBOLO ANZƐƐ BULUKU NWUANZANWUANZA

² bɛmmayɛ bɛmaa saa meba bɛ nwo lɔ a me nee bɛ bie badi ye ɛsesebɛ, ɔboalekɛ medie me nwo medi kɛ mekola mekile bɛdabɛ mɔɔ bɛse yɛfa ewiade adwenle a yɛbɔ yɛ ɛbɛla la kɛ meyɛ se.

2 Kɔl 10:2 ပူးပေါင်းရင်းမြစ်များ

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

Wulo 8:4

Nyamenle yɛle ɛhye, amaa yɛdayɛ mɔɔ yɛde Nyamenle Sunsum ne anu na yɛnde nwonane nu la, mɛla ne ngyehyɛlɛ fɔɔnwo ne ali munli wɔ yɛ nu.

Wulo 8:5

Bɛdabɛ mɔɔ bɛde nwonane nu la adwenle wɔ nwonane nu ninyɛne ɛyɛlɛ zo. Bɛdabɛ noko mɔɔ bɛtɛnla kɛmɔ Sunsum ne kile bɛ la adwenle wɔ Sunsum nu nyɛleɛ zo.

2 Kɔl 1:17

Yemɔti ngyehyɛlɛ ɛhye mɔɔ menyɛle la kile kɛ mele sonla mɔɔ meka a menyɛ ɔ? Anzɛɛ meyɛ me ngyehyɛlɛ kɛ adalɛ sonla bie mɔɔ meka kɛ “ɛhɛe” a ɛnee mekile “kyɛkyɛ” ɔ?

2 Kɔl 11:21

Ɔyɛ me nyiane kɛ melɛka kɛ yɛyɛle foanvoanle na yɛangola ɛhye mɔ bie yɛ a. Na saa awie kola fa debie tu ɔ nwo a ɛnee kɛmɔ melɛtendɛ kɛ kɔnwɔne la, medame noko mekola bie yɛ.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

2 Kɔl 13:2

Mekakye bɛdabɛ mɔɔ bɛyɛ ɛtane dɛba, nee bɛdabɛ mɔɔ bɛha la amuala kɛ, meha ye dɛba wɔ mekɛ mɔɔ membamkpɔlale bɛ mɔɔ tɔ zolɛ nwiɔ la, yɛɛ melɛka ye bieko kɛkala mɔɔ menle bɛ nwo lɔ la kɛ, saa meba a bɛ nuhua biala mɔɔ ɛyɛ ɛtane la ɛnrɛva ɔ nwo dwɔɔ.