2 Kɔl 10:17 - BAEBOLO ANZƐƐ BULUKU NWUANZANWUANZA

¹⁷ Nyamenle Edwɛkɛ ne se, “Awie biala mɔɔ kpondɛ kɛ ɔmemaa ɔ nwo zo la ɛyɛ ye zɔ wɔ debie mɔɔ Awulae ɛyɛ la anwo.”

2 Kɔl 10:17 ပူးပေါင်းရင်းမြစ်များ

Edwɛndolɛ Buluku ne 105:3

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛsonle Ɛdɛnkɛma la anye ɛlie.

Edwɛndolɛ Buluku ne 106:5

amaa meanwu wɔ menli ne mɔɔ wɔkpa nu wɔye bɛ la ɛkpazilɛ; amaa me nye alie wɔ maanle ne fɛlɛkolilɛ nu, na me nee wɔ menli ne ali fɛlɛko.

Ayezaya Buluku ne 41:16

Bɛbakpogya bɛ na anwoma ne abɔ bɛ ahɔ, na ahumu abɔ bɛ asande. Ɛdɛnkɛma ati, bɛ nye balie, na bɛaye Yizilayɛ Nwuanzanwuanza Ko ne ayɛlɛ.

Ayezaya Buluku ne 45:25

Ɛdɛnkɛma ati Yizilayɛma abo zo amra bali konim na bɛ nyunlu ara anyia dahuu.

Ayezaya Buluku ne 65:16

Awie biala mɔɔ wɔ maanle ne anu la bava medame Nɔhalɛ Nyamenle ne ayila ɔ nwo, yɛɛ awie biala mɔɔ wɔ maanle ne anu mɔɔ ka ndane la bava medame, Nɔhalɛ Nyamenle me duma a aha ndane ne a, ɔboalekɛ bɛ alumua ngyegyelɛ ne ɛvi me ti anu, yɛɛ bɛ nzonlɛ ɛye me nye zo.”

Gyɛlɛmaya Buluku ne 4:2

na bɛka ndane kɛ, ‘Meka Ɛdɛnkɛma’ nɔhalɛ nu, pɛlepɛle nu, nee tenlene nu a, ɛnee bɛhakye kɛ maanle maanle baze me kɛ menyila bɛ, na bɛbaye me ayɛlɛ.”

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

1 Kɔl 1:29

Nyamenle yɛle ɛhye amaa dasanli biala angola ammemaa ɔ nwo zo wɔ ɔ nyunlu.

1 Kɔl 1:31

Ɛhye ati, kɛmɔ Nyamenle Edwɛkɛ ne se la, “Awie biala mɔɔ kpondɛ kɛ ɔmemaa ɔ nwo zo la ɛva mɔɔ Awulae ɛyɛ la ɛmemaa ɔ nwo zo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.