2 Kɔl 1:8 - BAEBOLO ANZƐƐ BULUKU NWUANZANWUANZA

⁸ Mediema, yɛkpondɛ kɛ bɛnwu kɛ yɛ nwo zile hyelele yɛ wɔ Ehyea maanzinli ne anu la. Yɛ nwo hyelele yɛ kpole manle ɔbole yɛ nwo zo mɔɔ ɔhale yɛ nee ewule ala.

2 Kɔl 1:8 ပူးပေါင်းရင်းမြစ်များ

Ɛzoanvolɛma Gyima ne 16:6

Bɛhɔle Felegyea nee Galeehyea maanzinli ne mɔ anu, ɔluakɛ Sunsum Nwuanzanwuanza ne ammaa adenle ammaa bɛanga Edwɛkpa ne wɔ Ehyea maanzinli ne anu.

Ɛzoanvolɛma Gyima ne 19:41

Ɔhanle ɛhye la ɔmanle bɛzandele.

Ɛzoanvolɛma Gyima ne 2:9

Yɛdayɛ mɔɔ yɛvi Patea, Medea, yɛɛ Yilam, Mɛsɔpɔteemea, Dwudiya, yɛɛ Kapadosea, Pɔntɛse, yɛɛ Ehyea,

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

1 Kɔl 15:32

Saa mele sonla ala, mɔɔ menlɛ anyelazo biala wɔ ewule nzi, yɛɛ me nee “ɛhoayelɛ nu nanemgbole” honle wɔ Ɛfɛsɛse a, ɛnee duzu nvasoɛ a menyia ye a? Saa Nyamenle ɛndwazo mɔwuamra ɛmba ngoane nu a, ɛnee kɛmɔ ɔyɛ a bie mɔ ka la, “Bɛmaa yɛli na yɛnlo, ɔluakɛ ɛhyema ɛnee yɛwu.”

1 Kɔl 16:9

Agbɔvolɛ zonle ɛke bɔbɔ ɛdeɛ, noko gyima bedevinli bie mɔɔ anwo hyia la anye ɛrala ɛkɛ ne ɛmaa me kɛ ɔwɔ kɛ medi.

1 Kɔl 4:8

Bɛ sa ɛdɔ bɛ kunlu! Bɛnyia bɛ nwo bɛwie! Bɛhoane yɛ nwo bɛyɛ arelemgbunli! Me kunlu bɔbɔ a anrɛɛ bɛle arelemgbunli amgba, amaa yɛ nee bɛ ali bɛ mbia ne mɔ.

2 Kɔl 1:9

Yɛvale ye kɛ bɛbua yɛ ewule fɔlɛ bɛwie ala ɛne. Ɛhye zile amaa yɛdayɛ yɛanzi yɛ kɛnra, na yɛava yɛ nwo amuala yɛado Nyamenle ne mɔɔ dwazo mɔwuamra la anwo zo.

2 Kɔl 6:9

bɛyɛ kɛ bɛnze yɛ, noko bɛ muala bɛze yɛ; bɛfa yɛ kɛ yɛwu bɔbɔ a, bɛnlea, yɛtɛte aze. Saa bɛtwi yɛ nyunlu a, bɛtɛkunle yɛ.

1 Sam 20:3

Devidi buale kɛ, “Ɛ ze ze ye wienyi kɛ ɛkulo me edwɛkɛ, yemɔti yedwenle nwolɛ kɛ, ‘Menrɛmaa Dwɔnatan ɛnrɛde nwolɛ bie, anrɛɛ ɔkɛli nyane.’ Na nɔhalɛ nu, meka Ɛdɛnkɛma nee ɛdawɔ kɛ me ngoane mɔɔ ɛha la le ezinra zɛhae.”

1 Sam 27:1

Devidi hanle ye ɔ ti anu kɛ, “Kɛ ɔkɛyɛ biala la, kenle ko Sɔɔlo asa baha me yeahu me. Mɔɔ ɔwɔ kɛ meyɛ la a le kɛ, meye me nwo zo meahɔ Filisitiama maanle nu. Na saa ɔba ye zɛhae a Sɔɔlo asa anu bado, ɔbagyakyi me ɛkpondɛlɛ wɔ Yizilayɛ maanle ye anu, na meanyia me ti.”