2 Kɔl 1:7 - BAEBOLO ANZƐƐ BULUKU NWUANZANWUANZA

⁷ Yemɔti yɛ nye la bɛ nwo zo ɛsesebɛ; yɛze kɛ, kɛmɔ bɛ nee yɛ nwu yɛ amaneɛnwunlɛ ne mɔ la, zɔhane ala yɛɛ bɛ nee yɛ nyia yɛ arɛlekyekyelɛ ne mɔɔ yɛ sa ka ye noko la a.

2 Kɔl 1:7 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:30

na bɛka kɛ, ‘Saa yɛ nlenya mɔ mekɛ zo ɛnee yɛde aze a, anrɛɛ yɛanyɛ mɔɔ bɛyɛle la bie, yɛangu Nyamenle kpɔmanvolɛma ne mɔ.’

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

2 Kɔl 7:9

Kɛkala ɛdeɛ, medi fɛlɛko, tɛ kɛ membɔle bɛ rɛle la ati ɔ, na kɛ bɛ rɛle ɛbɔlɛ ne manle bɛnlunle bɛ nwo. Nyamenle luale bɛ rɛle ɛbɔlɛ ne azo lile gyima, yemɔti yɛanyɛ bɛ ɛtane.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.