2 Kɔl 1:6 - BAEBOLO ANZƐƐ BULUKU NWUANZANWUANZA

⁶ Saa yɛnwu amaneɛ a, ɛnee bɛ ngoanelielɛ nee bɛ arɛlekyekyelɛ ti ɔ; yɛɛ saa bɛkyekye yɛ rɛle a, ɛnee bɛkyekye bɛdabɛ noko bɛ rɛle, na bɛmaa bɛ anwosesebɛ, amaa bɛava abotane bɛagyinla amaneɛnwunlɛ ko ne ala mɔɔ yɛdayɛ yɛgyi bie anwo la anloa.

2 Kɔl 1:6 ပူးပေါင်းရင်းမြစ်များ

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

2 Kɔl 1:4

Ɔkyekye yɛ rɛle wɔ amaneɛnwunlɛ kɔsɔɔti anu na yɛdua ye arɛlekyekyelɛ ne azo yɛkyekye bɛdabɛ mɔɔ bɛ nwo ɛhyele bɛ wɔ ndenle ngakyile dɔɔnwo anu la arɛle.

2 Kɔl 12:15

Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

2 Kɔl 5:5

Nyamenle a ɛziezie yɛ ɛmaa ngakyile ɛhye a, na yeva ye Sunsum ne yeli ninyɛne mɔɔ ɔbava yeamaa yɛ la anwo agyinlanu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:1

Ɔlua ɛhye ati medame Pɔɔlo, mɔɔ bɛmɛ mɔɔ bɛnle Dwuuma la ati bɛhye me nuokɛ bɛmaa Kelaese Gyisɛse la, mesɛlɛ dahuu memaa bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:13

Yemɔti, mesɛlɛ bɛ kɛ bɛmmamaa amaneɛ mɔɔ melɛnwu ye wɔ bɛ ti la bɔ bɛ rɛle; ɔle kpalɛ ɔmaa bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:19

ɔluakɛ meze kɛ ɔlua bɛmɛ bɛ nzɛlɛlɛ nee Gyisɛse Kelaese Sunsum ne moalɛ zo mebavi efiade ɛke.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.