2 Kɔl 1:5 - BAEBOLO ANZƐƐ BULUKU NWUANZANWUANZA

⁵ Kɛmɔ yɛ nee Kelaese nwu ye amaneɛ ne mɔ la, zɔhane ala yɛɛ ɔlua ɔ nwo zo yɛ nee ye nyia ye arɛlekyekyelɛ ne mɔ a.

2 Kɔl 1:5 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:1

Bɛdie Kelaese bɛdi la ati bɛ nwo yɛ se. Ye ɛhulolɛ ne kyekye bɛ rɛle. Sunsum ne maa bɛdi ahua, ɔmaa bɛyɛ atiakunlukɛnlɛma bɛmaa bɛ nwo ngoko ngoko, na bɛse bɛ nwo anwunvɔne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:10

Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.