2 Kɔl 1:3 - BAEBOLO ANZƐƐ BULUKU NWUANZANWUANZA

³ Bɛmaa yɛyɛ Nyamenle, yɛ Awulae Kelaese Gyisɛse ɔ Ze ne, anwunvɔnezelɛ Selɛ ne nee arɛlekyekyelɛ Nyamenle ne mo.

2 Kɔl 1:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:20

Ayɛlɛyelɛ ɛha Anwuma Anwuma Nyamenle ne mɔɔ ɛye wɔ kpɔvolɛma ne ɛmaa wɔli bɛ nwo zo konim la.” Na Ebilam hyɛle debie biala mɔɔ ɔnyianle la anu bulu na ɔdule ɛkpɔ ko ɔmanle Mɛlekezɛdɛke.

1 Edk 29:10

Belemgbunli Devidi yele Nyamenle ayɛlɛ wɔ menli ne kɔsɔɔti anyunlu hanle kɛ, “Yɛ nlenya Gyekɔbo Ɛdɛnkɛma Nyamenle, ayɛlɛyelɛ ɛha wɔ dahuu!

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Edwɛndolɛ Buluku ne 18:46

Ɛdɛnkɛma de aze! Ayɛlɛyelɛ ɛha me Pepɛdievolɛ ne! Bɛbɔ me ngoanelielɛ Nyamenle ne kpoleyɛlɛ ne nolo!

Edwɛndolɛ Buluku ne 68:35

O Nyamenle, ɛvi wɔ ɛleka nwuanzanwuanza ne ɛfinde a ɛ nwo yɛ ɛzulolɛ; Yizilayɛ Nyamenle ne, yemɔ yɛɛ ɔfa tumi nee anwosesebɛ ɔmaa ye menli a. Bɛye Nyamenle ayɛlɛ.

Edwɛndolɛ Buluku ne 72:19

Bɛye ye duma nwuanzanwuanza ne ayɛlɛ dahuu; bɛmaa ye anyunlunyia ɛyi ewiade tɛkɛɛ! Amen. Amen!

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Ayezaya Buluku ne 66:13

Kɛ ninli si kyekye ɔ ra arɛle la, zɔhane ala yɛɛ mebakyekye bɛ rɛle a. Mebakyekye bɛ rɛle wɔ Gyɛlusalɛm.

Daneɛle Buluku ne 4:34

“Ɛvolɛ nsuu ne dwule la, medame Nɛbukadenɛza, mendole me nye anwomanyunlu, na me nye rale me nwo zo. Menyele Anwuma Anwumanli ne ayɛlɛ na menyeyɛle teasenli ne menlile ye eni kɛ: “Ye belemgbunlililɛ ɛnrɛbɔ aze ɛlɛ, ye belemgbunlililɛ vi awolɛndoazo dwu awolɛndoazo.

Daneɛle Buluku ne 9:9

O Awulae yɛ Nyamenle, yɛvo wɔ, yɛde ɛ nwo atua, noko wɔmɔ ala a ɛse anwunvɔne na ɛfa ɛtane ɛkyɛ a.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Dw 10:30

Selɛ ne nee medame yɛle ko.”

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

2 Kɔl 11:31

Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

2 Kɔl 7:6

Noko Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle la, luale Taetɛse ɛralɛ ne azo kyekyele yɛ rɛle,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:17

na mesɛlɛ yɛ Awulae Gyisɛse Kelaese Nyamenle ne mɔɔ le anyunlunyia Selɛ ne kɛ ɔmaa bɛ Sunsum nu nrɛlɛbɛ nee ndelebɛbo mɔɔ kɛmaa bɛkɛnwu ɔdaye Nyamenle kpalɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:11

na awie biala aha ye baguase kɛ, Gyisɛse Kelaese le Awulae, bɛava bɛawula Nyamenle Selɛ ne anyunlunyia.

Kɔlɔ 1:3

Dahuu yɛsɛlɛ yɛmaa bɛ, yɛyɛ Gyisɛse Kelaese ɔ Ze Nyamenle ne mo.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

2 Dw 1:4

Ɔyɛle me fɛ kpole kɛ menwunle kɛ ɛ mra ne mɔ bie mɔ li nɔhalɛ ne anzi, kɛmɔ Nyamenle Selɛ ne zele yɛ la.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.