2 Kɔl 1:22 - BAEBOLO ANZƐƐ BULUKU NWUANZANWUANZA

²² yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

2 Kɔl 1:22 ပူးပေါင်းရင်းမြစ်များ

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Dw 3:33

Mɔɔ die ye edwɛkɛ ne to nu la kile maa bɛnwu kɛ Nyamenle le nɔhalɛ.

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

Wulo 8:9

Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

2 Kɔl 5:5

Nyamenle a ɛziezie yɛ ɛmaa ngakyile ɛhye a, na yeva ye Sunsum ne yeli ninyɛne mɔɔ ɔbava yeamaa yɛ la anwo agyinlanu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 7:3

na ɔzele bɛ kɛ, “Bɛmmafa bɛ sa bɛka azɛlɛ ye, nyevile, anzɛɛ mbaka biala bɛsɛkye bɛ, kɔkpula kɛ yɛkɛwie yɛ Nyamenle ne sonvolɛma ne mɔ amuala nzonlɛ yɛ wɔ bɛ nwoma zo la.”

Yekile 9:4

Bɛzele bɛ kɛ bɛmmasɛkye ndile anzɛɛ mbaka nee nya amolɛ biala, na bɛkeka menli mɔɔ ɛnlɛ Nyamenle nzonlɛ ne bie bɛ nwoma azo la.